Pencadlys newydd i Fetro De Cymru yn Ffynnon Tâf

Diweddarwyd am  
Tren Metro De Cymru

Tren Metro De Cymru

Llun: Llywodraeth Cymru

Fe fydd pencadlys newydd ar gyfer prosiect Metro De Cymru yn cael ei agor yn Ffynnon Tâf yn dilyn buddsoddiad o £100 miliwn gan Lywodraeth Cymru.

Daeth y cadarnhad gan Weinidog yr Economi, Ken Skates.

Bydd y pencadlys yn gartref i 36 o gerbydau Metro. Fe fydd y gwaith cynnal a chadw’n cael ei gwblhau yno, a bydd y safle hefyd yn weithle i 400 o staff y trenau, yn ogystal â 52 o staff canolfan reoli’r Metro.

Bydd gorsaf Ffynnon Tâf hefyd yn cael ei hadnewyddu fel rhan o’r prosiect £194 miliwn, a bydd cyfleuster parcio a theithio newydd yn gwella mynediad cymudwyr i deithiau ar y Metro.

Hefyd fel rhan o’r prosiect, fe fydd £5 miliwn yn cael ei neilltuo i adnewyddu’r pencadlys yn Nhreganna a chyfleusterau eraill yn Nhreherbert a Rhymni.

Buddsoddiad yn ‘gonglfaen ein ffordd newydd o weithio’

Wrth gyhoeddi’r buddsoddiad, dywedodd Gweinidog yr Economi, Ken Skates: “Buddsoddi arian cyhoeddus at ddiben cymdeithasol yw conglfaen ein ffordd newydd o weithio gyda’r rheilffyrdd ac yn unol â’n Cynllun Gweithredu ar yr Economi, rydyn ni am wneud yn siŵr bod ein buddsoddiad o £5bn yn y gwasanaethau rheilffyrdd yn cynyddu’r cyfleoedd i fusnesau o Gymru, yn rhoi hwb i economi Cymru ac yn datblygu sgiliau lleol gan greu a chynnal cymaint o swyddi lleol â phosib.

“Adeiladu depo Ffynnon Taf fydd un o’r cyfleoedd cyntaf i gyflenwyr o Gymru elwa’n uniongyrchol ar ein buddsoddiad o £738m ym Metro’r De a fydd yn creu seilwaith trafnidiaeth cynaliadwy a chysylltiedig.

“Testun cyffro mawr imi yw’r gwahaniaeth byw a gweladwy y gall y buddsoddiad hwn gan y sector cyhoeddus ei wneud i fusnesau a chymunedau Cymru.”

Mae disgwyl i’r gwaith adeiladu ar y pencadlys ddechrau’r flwyddyn nesaf, a’i gwblhau erbyn 2022.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?