Marwolaeth Trealaw: “Byddwch yn gyfrifol ar wefannau cymdeithasol”

Diweddarwyd am  

Llun: CCO

Mae Heddlu’r De wedi rhybuddio pobol i fod yn ofalus wrth ddefnyddio gwefannau cymdeithasol i drafod marwolaeth plentyn yn Nhrealaw yng Nghwm Rhondda.

Cafwyd hyd i gorff plentyn am oddeutu 10.20 nos Wener, ac mae dynes 37 oed yn y ddalfa mewn perthynas â’r achos.

Ond dydy’r heddlu ddim wedi cadarnhau unrhyw fanylion eraill hyd yn hyn.

Mewn datganiad, dywedodd yr heddlu eu bod yn parhau i ymchwilio i farwolaeth y plentyn, a bod ystafell ymchwilio wedi’i sefydlu.

‘Cyfrifol’

Mae’r heddlu’n cynnig cefnogaeth i’r teulu, meddai’r llefarydd, gan annog pobol leol i “beidio â dyfalu ynghylch y digwyddiad” ac i fod yn “gyfrifol wrth bostio cynnwys ar wefannau cymdeithasol”.

Rhybuddiodd y dylai pobol “feddwl yn ofal am ganlyniadau negeseuon” a “sut maen nhw’n effeithio pobol eraill”.

Ychwanegodd y byddai “camau positif yn cael eu cymryd yn erbyn unrhyw un sy’n postio negeseuon sy’n ymosodol, bygythiol neu’n sarhaus”.

Dylai unrhyw un â gwybodaeth ynghylch y digwyddiad gysylltu â’r heddlu ar 101.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed