Pryderon iechyd yn “niweidiol” i’r diwydiant llaeth, medd Daioni

Diweddarwyd  

Llun: CC0

Mae’r ddelwedd o laeth sydd wedi’i chyflwyno yn y cyfryngau yn ddiweddar, yn “eitha’ niweidiol” i’r diwydiant yng Nghymru, meddai cwmni Cymreig.

Dyna yw barn Jade Goellnitz sy’n Swyddog Marchnata i gwmni Daioni – gwerthwyr a chynhyrchwyr llaeth sydd â thair fferm yng ngorllewin Cymru.

Daw ei sylw yn sgil wythnos o godi pryderon am effaith llaeth, ar yr amgylchedd – erthygl The Guardian – ac ar iechyd plant – Cynllun Gordewdra Plant.

“Poenydio”

“Dyw’r feirniadaeth ddim yn deg,” meddai Jade Goellnitz, gan nodi bod Daioni yn gwmni “organig a gwyrdd”, a bod ysgytlaeth y cwmni yn “fwy maethlon” na diodydd melys eraill.

Mae hefyd yn dweud bod ffermwyr llaeth wedi cael llawer o drafferth gan grwpiau amgylcheddol a feganiad a fu’n eu “poenydio” ar gyfryngau cymdeithasol.

“Rydyn ni’n nabod llawer o ffermwyr yn yr ardal, ac maen nhw yn poeni am eu hanifeiliaid,” meddai wrth golwg360.

“Pe bai pawb yn stopio cynhyrchu llaeth, beth fyddai’n digwydd i’r holl dir yma? Mae yna oblygiadau i bopeth.”

“Poblogaidd”

Er hyn i gyd, mae llaeth mor boblogaidd ag erioed, meddai Jade Goellnitz.

“Dw i ddim yn credu bod llaeth yn troi’n llai poblogaidd,” meddai. “Beth sy’n digwydd, dw i’n credu, yw bod trends yn newid.

“Un peth da sydd wedi dod o’r hype yma am gynnyrch llaeth yw bod ymwybyddiaeth yn newid. Mae pobol yn dechrau sylwi bod cynnyrch organig yn dda i ni.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?