Brechiad ffliw am ddim i staff cartrefi gofal oedolion

 

Llun: CC0 trwy www.pixabay.com

Fe fydd staff sy’n gweithio mewn cartrefi nyrsio a gofal oedolion yn derbyn brechiad ffliw yn rhad ac am ddim gan y Gwasanaeth Iechyd y gaeaf nesa’, yn ôl Llywodraeth Cymru

Hyd yma, cyflogwyr unigol oedd yn gyfrifol am gynnig brechiad ffliw i staff gofal cymdeithasol, ond yn ystod gaeaf 2018-19 mi fydd y brechiad ar gael am ddim mewn fferyllfeydd cymunedol y Gwasanaeth Iechyd i staff gofal cymdeithasol.

Daw hyn, yn ôl Llywodraeth Cymru, yn sgil ffigyrau sy’n dangos bod yna 71 adroddiad am achosion o’r ffliw wedi bod yn ystod y gaeaf diwetha’, gyda 42 o’r rheiny (60%) mewn cartrefi gofal.

Maen nhw hefyd yn dweud bod astudiaethau wedi dangos mai nifer isel o’r staff mewn cartrefi gofal sy’n derbyn brechiad rhag y ffliw.

Mae’r Cyd-bwyllgor ar Imiwneiddio a Brechu felly wedi argymell y dylai gweithwyr gofal iechyd a chymdeithasol gael brechiad am ddim, gan amddiffyn, yn y pen-draw, gleifion a phreswylwyr hefyd.

Paratoi

“Wrth inni baratoi ar gyfer tymor y ffliw bob blwyddyn, mae’n bwysig sicrhau bod y gwasanaethau iechyd a gofal cymdeithaso mor gadarn â phosib er mwyn eu galluogi i ddygymod yn well â phosib er mwyn eu galluogi i ddygymod yn well â’r pwysau tymhorol eithriadol,” meddai Vaughan Gething, yr Ysgrifennydd Iechyd.

Yn ystod y gaeaf nesa’, mi fydd y cynllun brechu hefyd yn cael ei ymestyn i gynnwys plant sydd ym mlynyddoedd ysgol 5 a 6.

Bydd hyn yn golygu bod pob plentyn o oedran cynradd yng Nghymru yn gymwys i gael y brechiad am ddim.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed