Porth Amlwch yn cynnal ‘Gruffest’ ar noson ffeinal Britain’s Got Talent

Diweddarwyd  

Gruffydd Wyn yn perfformio ar Britain’s Got Talent

Llun cyhoeddusrwydd gan ITV

Fe fydd pentref yng ngogledd Mon yn cynnal gwyl fach heno (nos Sul, Mehefin 3) wrth i un o feibion Amlwch ganu yn ffeinal y sioe dalent, Britain’s Got Talent ar ITV.

Mae’r trefniadau ar gyfer ‘Gruffest’ ym Mhorth Amlwch – yn enw’r unawdydd Gruffydd Wyn Roberts – wedi gorfod digwydd yn sydyn, gan mai dim ond yn rownd gyn-derfynol fyw y cafodd y canwr ei bleidleisio trwodd i’r rownd derfynol gan wylwyr y gyfres dalent.

Roedd y Cymro Cymraeg eisoes wedi plesio Simon Cowell a’i gyd-feirniaid David Walliams, Amanda Holden ac Alesha Dixon, gyda’i berfformiadau o’r aria, ‘Nessun Dorma’ yn y rowndiau blaenorol. Fe ddaeth yn ail yn y bleidlais gyhoeddus yn dilyn ei berfformiad o gân glasurol arall, ‘Nelle Tue Mani’ o’r ffilm, Gladiator.

Heno (nos Sul) o 5.30yp ymlaen, fe fydd pobol Porth Amlwch a’r ardal yn dod ynghyd er mwyn gwylio’r rownd derfynol yn fyw ar y teledu, ac i bleidleisio tros Gruffydd Wyn i ennill.

Ond mae’n golygu cadw trefn ar barcio a pharchu hawl pawb i fynd a dod yn yr ardal. Dyna pam fod rhai o’r trefnwyr wrthi ar wefan gymdeithasol Facebook heddiw yn gofyn i bobol barcio yn nhref Amlwch ei hun, ac yna cerdded y filltir dda i lawr i Borth Amlwch i fod yn rhan o’r digwyddiadau.

“Mae yna gymaint o pobol wedi helpu a noddi i neud hyn,” meddai Arwel Hughes ar Facebook. “Hefyd fasa hyn ddim wedi digwydd heb help lot fawr o adrannau Cyngor Môn. Diolch o galon i bawb am helpu i.

“Dw i’n uffernol o falch am ein dre fach ni.”

Fe fydd ffeinal Britain’s Got Talent i’w gweld yn fyw ar ITV o 7.30yh nos Sul, gyda’r canlyniad yn cael ei gyhoeddi gan gyflwynydd y rhaglen, Declan Donnelly, tua 10yh.

#GRUFFEST #BGTMae pob dim yn ei le i Borth Amlwch nos foru 5.30 da ni gyd tu ol iti Gruffydd wyn. Drefnwyd hwn gyda…

Posted by Arwel Hughes on Saturday, June 2, 2018

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?