Chwilio am y Martyn Geraint nesaf

 
Gwenllian Lansdown Davies

Gwenllian Lansdown Davies ar y dde

Llun golwg360

Mae’r Mudiad Meithrin a’r Urdd wedi lansio cystadleuaeth ar faes yr Eisteddfod heddiw i ddod o hyd i’r ‘Martyn Geraint nesaf’.

Y bwriad yw ceisio dod o hyd i ddiddanwr plant bach a bydd y gystadleuaeth ar agor i aelodau o’r Urdd rhwng 18 a 24 oed.

Bydd y gystadleuaeth yn cymryd ffurf eithaf tebyg i Ysgoloriaeth Bryn Terfel, gyda’r sawl sy’n cyrraedd y rhestr fer yn cael hyfforddiant yn un o wersylloedd yr Urdd i ddatblygu eu sgil ymhellach.

Y wobr i’r enillydd yw £500, hyfforddiant a chyfle i berfformio yn Eisteddfod yr Urdd Caerdydd y flwyddyn nesaf ac yng ngŵyl y Mudiad Meithrin fis Mehefin nesaf.

“Mae yna genhedlaeth o unigolion sydd wedi diddanu plant ar hyd y degawdau ac mae rhywun jyst yn ymwybodol bod hi’n amserol i chwilio am dalent newydd,” meddai Gwenllian Lansdown Davies, Prif Weithredwr y Mudiad Meithrin, wrth golwg360.

“Dw i’n gwybod fel ffaith bod unigolion fel Martyn Geraint, y Brodyr Gregory ac yn y blaen hefyd yn awyddus i feithrin y dalent.

“Roedden ni’n gweld cyfle oherwydd bod gynnon ni gynulleidfa darged yn y ffaith bod gynnon ni’r plant bach a bod gan yr Urdd gynulleidfa o unigolion hŷn o fewn oedran aelodaeth yr Urdd a fyddai o bosib eisiau meddwl am ddatblygu neu feithrin y math yma o dalent.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed