Morlyn Bae Abertawe: awgrym y bydd San Steffan yn dweud ‘Na’

Diweddarwyd am  

Abertawe

Llun: Jakejakegarner, CC 4.0 trwy Gomin Wicimedia

Mae Llywodraeth Prydain dan y lach yn sgil adroddiad ym mhapur newydd The Financial Times ei bod am wrthod buddsoddi ym Morlyn Bae Abertawe, cynllun a fyddai yn costio £1.3bn ac yn darparu trydan i 120,000 o dai am 120 o flynyddoedd.

Mae dros flwyddyn bellach ers i Adolygiad Hendry argymell y dylai’r prosiect fynd yn ei flaen, ac er gwaetha’ addewid gan Lywodraeth Cymru y byddan nhw’n ysgwyddo rhan o’r gost, mae’r cynllun wedi methu â denu diddordeb Llywodraeth Prydain hyd yn hyn.

Mae nifer o wleidyddion yng Nghymru eisoes wedi beirniadu arafwch Llywodraeth Prydain, ond yn ôl adroddiad The Financial Times, mae gweinidogion yn bwriadu gwrthod y cynllun yr wythnos nesa’.

Ond mae Llywodraeth Prydain wedi ymateb trwy ddweud ei bod yn dal i “archwilio’r holl bosibiliadau a’r heriau” sydd ynghlwm wrth y cynllun, er eu bod yn pryderu am y gost.

Mae Plaid Cymru wedi dweud y byddai Llywodraeth Prydain yn cyflawni’r “brad mwyaf llwfr ar fuddiannau cenedlaethol Cymru ers Tryweryn” pe na bai prosiect Morlyn Llanw Abertawe yn mynd yn ei flaen.

Colli cyfle

“Rydw i’n condemnio Llywodraeth Prydain yn sgil yr adroddiad ei bod wedi gwrthod Morlyn Bae Abertawe,” meddai Jane Dodds, arweinydd y Democratiaid Rhyddfrydol Cymreig.

“Mae hwn yn gynllun hanfodol a fyddai wedi dod â manteision amgylcheddol ac economaidd i’r gymuned, Cymru a’r Deyrnas Unedig.

“Mi fydd y morlyn wedi bod yn gam allweddol mewn sicrhau bod Cymru’n arweinydd rhyngwladol mewn ynni gwyrdd, ac fe fyddai wedi arwain y ffordd at forlynau yng Nghasnewydd, Caerdydd a Bae Colwyn.”

Llywodraeth Prydain

Dywed llefarydd Llywodraeth Prydain: “Fel mae’r Ysgrifennydd Busnes wedi dweud wrth Aelodau Seneddol yn ddiweddar, wrth i’r ganran o drydan sy’n dod o ffynonellau adnewyddadwy gynyddu pedair gwaith ers 2010, mae gennym gyfrifoldeb i leihau’r effaith ar filiau cwsmeriaid, ac mae prosiect Abertawe ddwywaith yn fwy drud na phwerdy Hinkley.

“Mae’n rhaid i unrhyw benderfyniad ar Forlyn Abertawe fod yn werth yr arian i’r trethdalwr a chwsmeriaid.

“Er hynny, rydym wedi ymrwymo i archwilio’r holl bosibiliadau a’r heriau wrth ystyried cynllun sydd, fel y dywedodd Prif Weinidog Llywodraeth Cymru, yn cynnwys technoleg heb ei phrofi sydd â chostau uchel a thipyn o ansicrwydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?