Iolo Williams yn galw am fwy o bwyslais ar yr amgylchedd gan yr Urdd

Diweddarwyd am  

Iolo Williams

Llun: www.iolowilliams.co.uk

Mae Llywydd y Dydd, Eisteddfod yr Urdd 2018, wedi galw ar y sefydliad i roi “mwy o bwyslais” ar yr amgylchedd.

Er nad oedd yn bresennol ar y safle ddydd Llun (Mai 28), llwyddodd y naturiaethwr, Iolo Williams, a chyfleu ei neges i’r brifwyl ar ffurf fideo (gallwch ei weld isod).

“Un peth liciwn ni weld yr Urdd yn rhoi mwy o bwyslais arno, falle, ydy’r amgylchedd – a phwysigrwydd yr amgylchedd,” meddai. “Dim i fi, ond i fy mhlant i, ac i’w plant nhw.

“Ac mae’r cyfle yna gan yr Urdd i fachu’r plant pan maen nhw’n ifanc. A byddwn i’n licio iddyn nhw roi mwy o bwyslais ar yr amgylchedd.”

Mae’r naturiaethwr yn hanu o ogledd Sir Benfro, ychydig filltiroedd o safle’r Eisteddfod eleni – maes y Sioe Frenhinol yn Llanelwedd.

“Llongyfarch”

Yn ogystal â’i alwad am newid, mae Iolo Williams yn canmol yr Urdd am “newid ac addasu” ac am eu parodrwydd i wneud hynny.

“I ddechra,u dw i eisiau llongyfarch yr Urdd,” meddai. “Mae wedi newid cymaint ers pan oeddwn i’n fachgen bach.

“Mae wedi gorfod newid ac addasu ac maen nhw wedi gwneud hynny yn llwyddiannus dros ben. Cyfleoedd i blant Cymru – nid yn unig yr Eisteddfod i ganu ac i adrodd – ond a chrefftau a chwaraeon.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?