Protest Pont Tywysog Cymru yn “gyfle i’r Cymry uno” medd ymgyrchydd

Diweddarwyd am  

Ail Bont Hafren

Mi fydd protest sy’n cael ei chynnal heddiw (dydd Llun, Mai 28) yn erbyn rhoi enw newydd i ail bont Hafren, yn “gyfle i’r Cymry uno”, yn ôl ymgyrchydd.

Mae’r digwyddiad wedi’i drefnu gan y grŵp ymgyrchu, Llysgenhadaeth Owain Glyndŵr, ac fe fydd yn cael ei gynnal y tu allan i Swyddfa Cymru yng Nghaerdydd.

Y bwriad yw ceisio darbwyllo Ysgrifennydd Gwladol Cymru, Alun Cairns, i ailystyried enwi’r ail bont dros afon Hafren yn ‘Bont Tywysog Cymru’.

Fe gyhoeddodd Alun Cairns dros fis yn ôl y byddai ailenwi’r bont ar ôl y Tywysog Charles yn “deyrnged addas” iddo, ac mae wedi dod i’r amlwg ers hynny bod Prif Weinidog Cymru, Carwyn Jones, wedi “croesawu’r syniad”.

Mae bron i 40,000 wedi arwyddo deiseb ar-lein yn gwrthwynebu’r ailenwi, ac mae trefnwyr y brotest ddydd Llun yn gobeithio cadw’r “momentwm” i fynd.

“Dim mwy o sarhad”

“Os gwnawn ni dderbyn hyn, bydd yn dangos ein bod ni’n barod i dderbyn unrhyw beth mae’r Llywodraeth Brydeinig a’r teulu brenhinol yn mynd i wneud â ni fel cenedl,” meddai Siân Ifan o Lysgenhadaeth Owain Glyndŵr wrth golwg360.

“Rydan ni wedi trefnu hwn gan obeithio y bydd yna undod Cymreig, a bydd yna gymaint o bobol yn dod yna i ddangos ei gwrthwynebiad i beth sy’n mynd i ddigwydd.

“Mae’n sicr yn mynd i ddigwydd os na wnawn ni ddangos gwrthwynebiad, a dw i’n gobeithio y bydd y gwrthwynebiad yn ddigon cryf fel y bydd o’n rhwystro Alun Cairns a’r teulu brenhinol a Carwyn Jones rhag mynd ymlaen â’r cynllun yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?