Vaughan Gething eisiau “magu mwy o sgiliau Cymraeg”

Diweddarwyd  
Pen ac ysgwydd Vaughan Gething

Vaughan Gething, Ysgrifennydd Iechyd Llywodraeth Cymru

Llun: Cynulliad Cenedlaethol Cymru CC 2.0

Mae un o’r ymgeiswyr posib i ddod yn Brif Weinidog nesaf Cymru wedi dweud ei fod am “magu mwy o sgiliau Cymraeg”.

Ond doedd yr Ysgrifennydd Iechyd, Vaughan Gething, ddim am ddweud y byddai’n dysgu mwy o Gymraeg pe bai’n rhoi ei enw yn swyddogol yn y ras i olynu Carwyn Jones.

Hyd yn hyn pedwar Aelod Cynulliad sydd wedi datgan eu cefnogaeth yn gyhoeddus iddo, ond mae angen pum enw arno os yw am herio Mark Drakeford am yr arweinyddiaeth.

“Amlwg yn ffactor”

Wrth gael ei holi gan golwg360, roedd Vaughan Gething yn cydnabod y gallai’r ffaith nad yw’n siarad Cymraeg fod yn anfantais iddo, gan fod pob un o brif weinidogion blaenorol Cymru wedi gallu’r iaith.

“I rai pobol, bydd hynny yn amlwg yn ffactor, o fy safbwynt i, dw i’n defnyddio ychydig o Gymraeg, dw i’n defnyddio mwy o Gymraeg mewn areithiau, dw i’n cydnabod bod e’n rhywbeth teg i ofyn,” meddai.

“Dw i’n gobeithio y bydda’ i’n magu mwy o sgiliau Cymraeg, ddim yn unig dros gyfnod y gystadleuaeth, ond dros y blynyddoedd nesaf, waeth beth fydd yn digwydd yn y gystadleuaeth.

“Mae fy ngwraig a fi yn byw yng Nghymru, rydyn ni’n falch iawn o fod yn rhan o Gymru, mae fy mab yn mynd i Gylch Ti a Fi, mae e’n canu llawer o hwiangerddi Cymraeg.

“Felly mae’n rhan o’i fywyd e, ynghyd â bywyd cyhoeddus, dw i am fod yn rhan o hynny hefyd.

“Hoffwn i fagu mwy o sgiliau Cymraeg, a bydden i am wneud hynny doed a ddelo, achos ar ben fy mywyd cyhoeddus, mae e i fod yn rhan o fywyd fy mab a’i ddyfodol e hefyd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed