“Ie” i ffordd osgoi’r Bontnewydd… ond ffraeo rhwng y pleidiau

Diweddarwyd  
Protestwyr yn y Bontnewydd heddiw (dydd Llun, Ebrill 30)

Protestwyr yn y Bontnewydd oherwydd oedi cyn dechrau gwaith ar ffordd osgoi (dydd Llun, Ebrill 30)

Llun trwy law swyddfa Siân Gwenllian

Mae Llywodraeth Cymru wedi cyhoeddi ei bod am fwrw ymlaen â chynlluniau i osod ffordd osgoi rhwng Caernarfon a’r Bontnewydd.

Ond mae’r newyddion wedi achosi tipyn o ffraeo ymysg cynghorwyr lleol ar y gwefannau cymdeithasol, gyda chynrychiolwyr Llafur a Llais Gwynedd yn cyhuddo Plaid Cymru o geisio “cymryd y clod” yn dilyn protest ddiweddar.

Roedd disgwyl i’r gwaith ar y ffordd chwe milltir gychwyn yn 2016, a’i gwblhau erbyn eleni; a bu protestio yn yr ardal tros yr oedi mor ddiweddar â mis yn ôl. Aelodau Plaid Cymru, yn bennaf, oedd yn gyfrifol am y brotest honno.

Bellach mae disgwyl i’r gwaith o adeiladu ddechrau ym mis Tachwedd – wedi i gontractau gael eu dyfarnu – ac i’r prosiect gael ei gwblhau yn 2021.

Mae disgwyl i’r ffordd newydd arwain at ostyngiad 72% yn nifer y cerbydau sy’n teithio trwy’r Bontnewydd, a gostyngiad o 33% yng Nghaernarfon.

Ffraeo

Sion Jones, cynghorydd Llafur ardal Bethel ger Caernarfon, oedd un o’r cyntaf heddiw i fynnu mai “nad o ganlyniad i brotest” y daeth y penderfyniad gan lywodraeth Llafur Bae Caerdydd (gweler isod).

Yn y drafodaeth sy’n dilyn, mae Aeron M Jones, cynghorydd Llais Gwynedd, yn dweud ei fod yntau wedi bod yn rhan o’r trafodaethau ac yn ymwybodol o’r canlyniad – “ond ddim yn cael dweud” cyn heddiw.

As the Caernarfon bypass news is 'leaking' from Plaid last night, may I just say this. This investment is NOT announced…

Posted by Sion Jones on Wednesday, May 23, 2018

 

Mae Aelod Seneddol Plaid Cymru tros Ddwyfor-Meirionnydd, Liz Saville Roberts, yn talu teyrnged ar Facebook i waith ymgyrchu Aelod Cynulliad Arfon, Sian Gwenllian, ac Aelod Seneddol yr etholaeth, Hywel Williams, wrth bwyso am y ffordd newydd:

 

Newyddion da – Diolch i waith ymgyrchu di-flino Plaid Cymru Arfon, Siân Gwenllian AC/AM a Hywel Williams AS/MP a pobl…

Posted by Liz Saville Roberts AS/MP on Thursday, May 24, 2018

 

“Llai o hollti”

“Canlyniad hyn bydd llai o hollti cymunedau a chyfleusterau, a gwell diogelwch, ansawdd aer ac ansawdd bywyd yn yr aneddiadau ar hyd y ffordd hon,” meddai Ysgrifennydd yr Economi a Thrafnidiaeth, Ken Skates, wrth wneud y cyhoeddiad heddiw (fore Iau, Mai 24).

“Bydd cael gwared ar draffig… yn gyfle hefyd i annog teithio llesol o fewn ac o gwmpas Caernarfon a’r Bontnewydd drwy eu cysylltu â’r cymunedau cyfagos.”

Bydd y ffordd yn 9.7km o hyd, ac mi fydd tair rhan iddi gyda chylchfannau newydd ger gwesty Meifod ger Bontnewydd, ac wrth stad ddiwydiannol Cibyn ar gyrion Caernarfon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?