Mae un o bob pump o bobol Cymru yn teimlo’n unig

 

Llun: CC0

Rhaid gweithredu “ar frys” i fynd i’r afael â’r broblem o unigrwydd yng Nghymru.

Dyna fydd Samariaid Cymru yn rhybuddio Pwyllgor Iechyd, Gofal Cymdeithasol a Chwaraeon y Cynulliad, heddiw (dydd Mercher, Mai 23).

Mae’r pwyllgor wrthi’n cynnal ymchwiliad dan y teitl ‘Rhwystro Hunanladdiad yng Nghymru’, ac mae disgwyl i’r elusen gyflwyno tystiolaeth iddyn nhw ar y testun.

Pryder Samariaid yw bod cysylltiad rhwng unigrwydd, anhwylder meddyliol a hunanladdiad; a’i nod yw i dynnu sylw at hyn, ac at ehangder y broblem yng Nghymru.

Yn ôl arolwg yr elusen, mae 20% o oedolion Cymru yn aml yn teimlo’n unig, neu’n teimlo eu bod wedi eu hynysu, ac mae cyfraddau hunanladdiad yn llawer uwch mewn ardaloedd difreintiedig.

Problemau “anferthol”

“Mae’r ymchwil yn dangos bod unigrwydd ac unigedd yng Nghymru, yn broblemau iechyd cyhoeddus anferthol,” meddai Sarah Stone, Cyfarwyddwr Gweithredol y Samariaid.

“Yn ogystal a dangos ein hymchwil – gwaith sy’n tynnu sylw at y cysylltiad rhwng hunanladdiad a thlodi – byddwn yn galw [ar awdurdodau] i weithredu ar frys.

“Mae unigedd yn medru cael effaith fawr ar iechyd meddwl, a’n ffactor sy’n medru annog hunanladdiad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?