Mae Llywodraeth Cymru wedi cael eu beirniadu am wneud “penderfyniadau anesboniadwy” yn â chynllun Cylchffordd Cymru.
Fe wariodd Llywodraeth Cymru dros £9m ar y cynllun, cyn iddo fynd i’r gwellt ym mis Mehefin y llynedd – roedd galw arnyn nhw i warantu benthyciadau gwerth £210m.
Nod arweinwyr y prosiect, Cwmni Datblygu Blaenau’r Cymoedd, oedd adeiladu trac rasio ceir ym Mlaenau Gwent, gyda Llywodraeth Cymru yn ysgwyddo hanner y gost.
Mae’r Pwyllgor Cyfrifon Cyhoeddus wedi tynnu sylw at “nifer o gamgymeriadau” ar ran y Llywodraeth, a’u beirniadu mewn adroddiad newydd.
Y pwyllgor
Un achos penodol a wnaeth gorddi’r pwyllgor cryn dipyn, oedd y penderfyniad i brynu’r cwmni FTR Moto – a hynny gydag arian y gwnaethon nhw dderbyn gan Lywodraeth Cymru.
Mi wadodd y Llywodraeth ei bod wedi cyfrannu at y pryniant, er eu bod mewn gwirionedd wedi cytuno iddo, a chafodd y mater ei gadw’n ddistaw.
Caeodd cwmni FTR Motors – cwmni beiciau modur yn Swydd Buckingham – yn ddiweddarach, a hwythau heb adleoli i Gymru erioed.
“Anesboniadwy”
“Gwnaeth Llywodraeth Cymru rai penderfyniadau anesboniadwy wrth ddarparu cyllid cychwynnol ar gyfer y prosiect hwn, meddai Nick Ramsay, Cadeirydd y Pwyllgor Cyfrifon Cyhoeddus.
“… Mae’n hanfodol bod Llywodraeth Cymru yn dangos rheolaeth effeithiol dros arian cyhoeddus Cymru ac yn cynyddu i’r eithaf y cyfleoedd i fuddsoddi yng Nghymru.”
Ymateb Llywodraeth Cymru