Rhybudd am gangiau o bobol ifanc yn bygwth a dwyn

Diweddarwyd  
Heddlu

Llun yr heddlu

Mae Heddlu Gwent yn rhybuddio’r cyhoedd i fod ar eu gwyliadwriaeth ar ôl cynnydd sylweddol mewn lladradau yng nghanol Casnewydd dros y dyddiau diwethaf.

Mae gangiau o bobol ifanc wedi bod yn bygwth aelodau o’r cyhoedd ac yn mynnu eu harian neu eu heiddo.

Mae’r heddlu wrthi’n ymchwilio i wyth digwyddiad o’r fath yn y ddinas ers dydd Mercher, ac mae pedwar o bobol yn cael eu holi yn y ddalfa ar hyn o bryd.

Fe ddigwyddodd pedair o’r troseddau ger ardal cylchfan Old Green, a’r lleill gerllaw twnel cerddwyr i’r orsaf drenau, glan yr afon, Clarence Place a’r orsaf fysiau.

Mae amserau’r lladradau wedi amrywio rhwng 2yp ac 11yh.

Mae plismyn ychwanegol wedi cael eu tynnu i’r ardal i fod ar patrol ar droed, mewn iwnifform ac mewn dillad plaen.

Meddai’r Uwcharolygydd Ian Roberts, comander plismona Casnewydd a Sir Fynwy:

“Mae’r gyfres o droseddau’n achos pryder gwirioneddol, a bydd Heddlu Gwent yn gweithio gyda Chyngor Dinas Casnewydd a phartneriaid eraill i ystyried mesurau atal troseddu fel mater o frys.

“Yn y cyfamser, dw i’n gofyn i’r cyhoedd fod ar eu gwyliadwriaeth ac i unrhyw un â gwybodaeth am hyn gysylltu â Heddlu Gwent ar 101 neu’n ddi-enw ar 0800 555 111.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?