Prynu castell olaf tywysogion Cymru

Diweddarwyd  
Dafydd Elis-Thomas yn chwerthin

Dafydd Elis-Thomas

Llun: Cynulliad Cenedlaethol Cymru CC2.0

Mae Cadw wedi cyhoeddi y bydd Castell Caergwrle yn ymuno â degau o gestyll sydd dan eu gofal.

Dyma’r castell newydd cyntaf i Cadw – gwasanaeth cadwraeth Llywodraeth Cymru – ei brynu ers 25 mlynedd, a hwn fydd 43ydd castell y corff.

Mae Castell Caergwrle, yn Sir y Fflint, ac yn dyddio’n ôl i 1277, pan gafodd ei adeiladu’n gyntaf gan Dafydd ap Gruffudd.

Hwn yw’r castell olaf i gael ei adeiladu gan dywysog o Gymru, a bu iddo chwarae rhan bwysig yn y digwyddiadau a ddaeth i ben gyda marwolaeth Llywelyn ap Gruffudd – neu Llywelyn Ein Llyw Olaf.

“Ar agor i bawb”

“Mae Cadw eisoes yn gofalu am nifer o gestyll tywysogion Cymru, gan gynnwys Dinefwr a Dryslwyn yn y de a Dolbadarn a Chastell y Bere yn y gogledd,” meddai’r Gweinidog Twristiaeth a Diwylliant, Dafydd Elis-Thomas.

“Rwy’n falch iawn ein bod wedi gallu gweithio gyda chyngor y gymuned i ychwanegu Caergwrle at eu niferoedd – gan sicrhau ei fod yn parhau ar agor, bod rhywun yn gofalu amdano a’i fod ar agor i bawb.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed