Tregaroc yn denu bwrlwm i Dregaron

Diweddarwyd am  

Llun parth cyhoeddus CC0 trwy www.pixabay.com

Mae gŵyl gerddoriaeth Gymraeg mewn tre’ yng Ngheredigion yn dathlu ei phen-blwydd yn bump oed dros y penwythnos.

Fe gafodd gŵyl Tregaroc ei chynnal gyntaf yn Nhregaron yn 2014, a hynny ar ôl i griw o ferched lleol weld bod angen hwb ar economi’r dre’.

“Roedd lot o fygythiadau; banciau yn cau a bygythiad i’r ysgol. Felly rhyw bum mlynedd yn ôl roedd yna deimlad bod angen denu pobol i mewn i’r ardal a rhoi hwb i’r economi leol,” meddai un o’r criw, sef Ffion Lewis-Hughes, wrth golwg360.

“Fe benderfynon ni wneud hyn, a rhoi llwyfan i artistiaid lleol a chenedlaethol yn ogystal, er mwyn hyrwyddo cerddoriaeth Gymraeg.”

Gŵyl boblogaidd

 Dros y blynyddoedd mae Tragaroc wedi mynd o nerth i nerth.

Eleni fe fydd yr ŵyl yn croesawu artistiaid megis Eden, Ail Symudiad, Gwilym Bowen Rhys a Neil Rosser i’r dre’, gydag arlwy’r dydd y tu allan i westy’r Talbot yn rhad ac am ddim, a thocyn i babell y Clwb Rygbi yn costio £12.

Ond er i’r 500 o docynnau ar gyfer y babell werthu mewn “mater o ddiwrnod”, yn ôl Ffion Lewis-Hughes, mae’n dweud nad ydyn nhw fel trefnwyr eisiau i’r ŵyl fynd yn “rhy fawr”.

“Rydym ni wedi trial cadw bod yr ŵyl yn aros yr un fath, er mwyn cadw’r naws,” meddai eto. “Mae rhyw naws hyfryd o ran agosatrwydd gyda’r set-up sydd gyda ni’n barod.

“Mae e’n un o’r pethe ni wedi bod yn trafod o hyd, sef ei gadw fe fel y mae, yn hytrach na thrial tyfu yn rhy fawr, neu fe fyddwn ni’n colli’r teimlad ʾna.

“Ond o ran poblogrwydd, mae wedi tyfu ac mae’r ffaith bod y tocynnau wedi’u gwerthu mewn cwpwl o orie neu fater o ddiwrnod, yn profi hynny.”

Mi fydd yr ŵyl yn cychwyn am 1yp yfory (dydd Sadwrn, Mai 19), gyda cherddoriaeth byw yn cael ei chwarae trwy gydol y prynhawn a’r nos.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?