8,000 wedi llwyddo wrth apelio toriadau budd-dal anabl

 

Llun: CC0

Mae pobol anabl yn annhebygol o herio toriadau i’w budd-daliadau, gan fod y broses o apelio yn “rhy drawmatig”.

Dyna yw pryder Miranda Evans, Cyfarwyddwr Polisi a Rhaglenni grŵp Anabledd Cymru, a hynny er i ffigyrau ddangos y bu 8,000 apêl lwyddiannus gan bobl anabl yng Nghymru’r llynedd.

Mae Miranda Evans yn croesawu’r ffaith bod miloedd wedi medru herio toriadau i’w ‘Taliadau Annibyniaeth Personol’, ond yn gofidio am unigolion sydd heb yr hyder i wneud hynny.

“Mae’r holl broses [apelio] yn creu pryder i lawer o bobol,” meddai wrth golwg360. “Mae llawer o bobol yn gwrthod apelio oherwydd eu bod yn achosi cymaint o straen.

“Dyw’r ffigyrau ddim yn dangos y darlun llawn. Mae’n bosib bod yna fwy o bobol a allai fod wedi apelio, a gwrthdroi penderfyniadau.”

Mae’r Cyfarwyddwr Polisi yn ategu bod angen rhagor o gymorth ar bobol anabl fel eu bod yn medru apelio, ac yn eu hannog i chwilio am gyngor.

Asesiadau

Pryder arall sydd gan Miranda Evans yw’r broses asesu ar gyfer y taliadau – proses “fiwrocrataidd” sy’n digwydd yn “rhy gyson”, meddai.

Dyw asesu pobol â chyflyrau parhaol – syndrom Down ac awtistiaeth er enghraifft – ddim yn gwneud synnwyr, meddai, gan nad yw’r cyflyrau yma’n gwaethygu nac yn gwella tros amser.

“I bobol sydd gyda chyflwr hir dymor ni ddylai bod angen iddyn nhw gael asesiadau tro ar ôl tro,” meddai.

“Oherwydd, dyw eu cyflwr ddim yn mynd i newid. Cyflyrau cydol oes yw’r rhain. Ac mae’n asesiadau yn rhoi straen ar bobol heb fod angen.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed