Arriva Cymru’n moderneiddio eu trenau

 

Tren Arriva Cymru

Llun: CC2.0

Mae’r cwmni Trenau Arriva Cymru wedi cyhoeddi y byddan nhw’n cychwyn ar gynllun o foderneiddio eu trenau.

Fe fydd buddsoddiad newydd y cwmni yn sicrhau bod gan drenau’r dyfodol ddigonedd o le i gadeiriau olwyn, drysau a thoiledau mwy effeithiol, ynghyd â thanciau carthion newydd.

Yn ôl y cwmni, y trenau Dosbarth 158, sy’n defnyddio’r Llinell Cambria o Amwythig i Aberystwyth a Phwllheli, fydd y cyntaf yng Nghymru lle bydd carthion yn cael ei storio mewn tanciau, yn hytrach na’i gollwng ar y traciau.

Maen nhw hefyd yn dweud bod Llywodraeth Cymru eisoes wedi cynnig buddsoddiad gwerth bron £200,000 iddyn nhw er mwyn gosod offer ar gyfer gwacáu’r tanciau yng ngorsaf drenau Machynlleth.

‘Cynllun cynhwysfawr’

Yn ôl Tom Joyner, Prif Weithredwr Trenau Arriva Cymru, maen nhw’n “frwdfrydig” dros sicrhau bod teithio ar y rheilffordd yn agored i bawb.

“Rydym wedi gweithio’n galed er mwyn cyflwyno cynllun cynhwysfawr ar gyfer y trenau hyn, ac fe all cwsmeriaid edrych ymlaen at fwynhau’r manteision yn fuan,” meddai.

“Mi fydd y buddsoddiad hwn yn mynd yn bell i gyflawni’r amcanion hynny, ac mae’n dangos ymrwymiad i roi’r diwydiant rheilffyrdd yn y sefyllfa gorau posib ar ddiwedd rhyddfraint Arriva Trains Wales.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed