Cyhuddo tri o Gymru o ladd cenawon llwynog

Diweddarwyd am  
Llwynog

Llwynog

Llun: Animal Clans Jam Wiki

Mae tri  o Gymru ymhlith pump sydd wedi ymddangos gerbron y llys heddiw ar amheuaeth o ladd llwynogod ifanc mewn cenel cŵn hela.

Fe gafodd Julie Elmore, Nathan Parry a Paul Reece o Gymru, ynghyd â Paul Oliver a Hannah Rose o Swydd Lincoln, eu cyhuddo yn dilyn ymchwiliad gan yr heddlu i achos o gam-drin anifeiliaid mewn cenel cŵn helfa.

Roedd Heddlu De Mersia wedi cynnal yr ymchwiliad yn dilyn adroddiadau bod llwynogod ifainc wedi cael eu cymryd i genel a oedd yn gysylltiedig â helfa yn ne Swydd Henffordd rhwng Mai 13 a Mai 28 2016.

Y cyhuddiadau

Mae Julie Elmore, 54 oed, a Nathan Parry, 38 oed, o stad Brynarw ger Y Fenni, yn wynebu pedwar cyhuddiad o ladd y cenau, a hynny yn unol â Deddf Lles Anifeiliaid 2016.

Mae Paul Oliver, 39 oed, a Hannah Rose, 29 oed, o Sutton Crosses ger Spalding yn Swydd Lincoln, hefyd yn wynebu pedwar cyhuddiad o gam-drin anifeiliaid o dan yr un ddeddf.

Mae Paul Reece, 47 oed, o Landdinol ger Cas-gwent wedyn yn wynebu dau gyhuddiad o achosi niwed diangen i anifeiliaid yn Wormelow, Swydd Henffordd, a ddigwyddodd tua’r un adeg â’r achosion honedig eraill ym mis Mai 2016.

Yn ystod y gwrandawiad yn Llys Ynadon Birmingham heddiw (dydd Mawrth, Ebrill 15), fe ofynnodd y barnwr i’r pump i gadarnhau eu henwau, eu hoedran a’u cyfeiriadau, cyn dangos tystiolaeth fideo iddyn nhw.

Mae’r pump bellach wedi’u rhyddhau ar fechnïaeth, ac fe fydd yr achos yn parhau ar Fehefin 19.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd