Trenau – beirniadu rhybudd am safonau

 
Tren mewn gorsaf

Tren Arriva yng Nghaerdydd

Llun: Chris McKenna CCA4.0

Mae’r Ceidwadwyr wedi beirniadu Llywodraeth Cymru am eu rhybudd y bydd hi’n cymryd blynyddoedd i wella safon trenau yng Nghymru.

Dyw hynny “ddim yn ddigon da” meddai llefarydd y blaid yng Nghymru ar yr economi, Russell George, wrth i’r Llywodraeth baratoi i ddewis cwmni newydd i gymryd y drwydded i gynnal y system.

Ddoe fe ddywedodd y Prif Weinidog, Carwyn Jones, na fyddai hynny’n arwain at welliant ar unwaith ac y gallai gymryd cymaint â phedair blynedd cyn y bydd teithwyr yn gweld gwahaniaeth go iawn.

‘Siomi pobol’

Roedd Russell George yn cyhuddo’r Llywodraeth o siomi pobol ar ôl addo oes newydd i deithio ar y trên pan fydd cwmni arall yn disodli Arriva, sy’n cynnal y gwasanaethau ar hyn o bryd.

“Rhaid i’r drwydded newydd wella safonau rheilffyrdd ledled Cymru a dyw’r gostwng yma ar ddisgwyliadau ddim yn ddigon da,” meddai.

“Mae teithwyr, yn ddigon teg, yn disgwyl i’r drwydded gywiro’r diffygion sydd wedi plagio defnyddwyr trenau yng Nghymru ers blynyddoedd.”

Yn ôl y Llywodraeth, fe fydd hi’n cymryd amser i’r cwmni newydd newid y peiriannau a’r cerbydau – rhai ohonyn nhw gymaint â 40 oed.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed