Cyhoeddi enillydd Gwobr Ryngwladol Dylan Thomas 2018

 
Kayo Chingonyi, enillydd Gwobr Ryngwladol Dylan Thomas 2018

Kayo Chingonyi, enillydd Gwobr Ryngwladol Dylan Thomas 2018

Llun: Prifysgol Abertawe

Bardd o Brydain, sy’n enedigol o Zambia, sydd wedi ennill Gwobr Ryngwladol Dylan Thomas eleni.

Roedd Kayo Chingonyi ymhlith chwe pherson a oedd ar y rhestr fer, ac fe dderbyniodd y wobr gwerth £30,000 mewn seremoni ym Mhrifysgol Abertawe.

Kumakanda oedd enw ei ddarn buddugol, ac mae’r casgliad yma o farddoniaeth yn mynd i’r afael a sawl thema gan gynnwys hunaniaeth Brydeinig a hil.

“Syfrdanu”

“Rwyf wedi fy syfrdanu,” meddai Kayo Chingonyi wrth dderbyn y wobr gan yr actor Michael Sheen, ac wyres Dylan Thomas, Hannah Ellis. “Mae’n wych cael gwobr yn enw Dylan Thomas.

“Cefais fy nghyflwyno i waith Dylan Thomas gan athrawes ysbrydoledig iawn a ddarllenodd Dan y Wennallt i mi, ac mae ei waith wedi fy hudo ers hynny.”

Y wobr

Gwobr Ryngwladol Dylan Thomas yw gwobr lenyddol fwyaf y byd ar gyfer awduron ifanc 39 oed neu iau, ac mae’n agored i awduron o bob gwlad sy’n ysgrifennu yn Saesneg.

Prifysgol Abertawe sy’n dyfarnu’r wobr, ac mae modd ymgeisio â ffuglen o bob ffurf, gan gynnwys barddoniaeth, nofelau, straeon byrion a drama.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed