Gyrrwr beic modur am geisio torri record byd ar draeth yn Sir Gâr

Diweddarwyd am  

Traeth Pentywyn

Llun: Nilfanion CC SA 4.0 trwy Gomin Wicimedia

Bydd rasiwr beiciau modur yn rhoi cynnig ar dorri record byd yn Sir Gaerfyrddin dros y penwythnos.

Traeth Pentywyn yw safle’r ymgais, a nod Zef Eisenburg fydd i yrru’n gyflymach dros dywod nag unrhyw cerbyd o’r blaen.

Does dim un car neu feic modur wedi gyrru’n gyflymach na 200 milltir yr awr dros dywod o’r blaen, a hynny oherwydd bod tywod yn arwyneb hynod o beryglus i yrru drosto ar gyflymder.

Daw’r digwyddiad yn sgil ymgais aflwyddiannus gan y gyrrwr i dorri record yn Swydd Efrog, pan syrthiodd oddi ar y beic tra’n teithio ar gyflymder o 230 milltir yr awr, a threulio tri mis yn yr ysbyty.

Dal ati

“Mae dwy flynedd wedi pasio ers yr ymgais a oedd bron â fy lladd,” meddai Zef Eisenberg. “Dw i’n ddiolchgar fy mod i dal yn fyw.

“Fe fydd pobol yn fy ngalw i’n wallgo’ am ddal ati â’r rasio, ond dw i’n dwlu ar wneud. Dw i’n dwlu ar y cyflymder a’r cyffro.

“Felly, er bod yr atgofion ofnadwy yno o hyd, dw i’n benderfynol fy mod yn mynd i ddal ati, ac i ddal ati i dorri records.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?