Wynford yn cwyno am stori alcohol ‘gamarweiniol’ The Sun

Diweddarwyd  

Mae actor ac ymgyrchydd blaenllaw yn erbyn alcoholiaeth yn cyhuddo papur newydd The Sun o fod yn “gwbwl anghyfrifol” yn ei ymdriniaeth o hanes y cyflwynydd Ant McPartlin.

Yn ôl Wynford Ellis Owen, sefydlydd gwasanaeth Stafell Fyw Caerdydd i rai sy’n ymladd alcoholiaeth, roedd stori ar dudalen flaen y Sun yn creu’r argraff fod alcoholiaeth yn gyflwr y gellir cael iachâd llwyr ohono.

Roedd llun o Ant McPartlin, hanner y bartneriaeth ‘Ant & Dec’ sy’n cael ei gyhuddo o yfed a gyrru, yn edrych yn holliach ar ôl mis mewn clinig ‘rehab’.

“Roedd y stori y gwnaethoch chi ei chyhoeddi fel petai’n awgrymu fod trawsnewidiad llwyr wedi digwydd ym mywyd Ant ar ôl mis mewn ‘rehab’,” meddai Wynford Ellis Owen mewn llythyr agored at olygydd The Sun.

“Does ond angen edrych ar straeon Charles Kennedy a George Best i weld peryglon hyn; os na byddwch chi’n ofalus fe fydd eich adroddiadau’n cyfrannu at dynged tebyg i Ant.

“Mae alcoholiaeth yn salwch peryglus sy’n lladd miloedd o bobol yng ngwledydd Prydain bob blwyddyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?