Miliwn o siaradwyr – dim ond un cyngor â “thargedau hirdymor”

Diweddarwyd am  

Tafod y Ddraig

Llun: Cymdeithas yr Iaith

Dim ond un Cyngor Sir yng Nghymru sydd gyda “thargedau hirdymor” er mwyn cyrraedd miliwn o siaradwyr Cymraeg, yn ôl ymgyrchwyr iaith.

Mae Cymdeithas yr Iaith Gymraeg yn honni iddyn nhw holi pob un o’r 22 awdurdod lleol yng Nghymru ynglŷn â’u cynlluniau i gyrraedd targed y Llywodraeth.

Yn benodol, mae’n debyg y gwnaethon nhw holi os oedd ganddyn nhw dargedau ar gyfer 2025, 2030, 2035 a 2040 – Targed Llywodraeth Cymru yw cyrraedd miliwn erbyn 2050.

Conwy oedd yr unig sir a oedd gyda thargedau fesul pum mlynedd hyd at 2040, meddai’r ymgyrchwyr, gydag ambell gyngor yn darparu targedau hyd at 2020 neu 2022 yn unig.

Mae gan gynghorau dyletswydd gyfreithiol i lunio cynllun ar gyfer addysg cyfrwng Cymraeg – Cynlluniau Strategol mewn Addysg – ar gyfer cyfnod o 3 mlynedd, yn ôl Cymdeithas yr Iaith.

Cynlluniau

“Mae’n gwbl amlwg nad yw’r Cynlluniau Strategol mewn Addysg yn addas at eu diben,” meddai Cadeirydd Grŵp Addysg Cymdeithas yr Iaith, Toni Schiavone.

“Dydyn nhw heb gyflawni ar y targedau cenedlaethol sydd wedi eu gosod, ac mae’r ymchwil rydyn ni wedi ei wneud yn amlygu’r ffaith nad ydyn nhw’n sicrhau bod cynllunio tymor hir yn digwydd ar lefel leol.

“Mae ymatebion y cynghorau’n ddiddorol achos ei fod yn amlwg bod y rhan fwyaf o siroedd heb ymateb i’r her o gyrraedd y miliwn o siaradwyr. Yn wir, mae rhai siroedd, megis Wrecsam, yn defnyddio ‘ymateb i’r galw’ fel esgus i beidio â gwneud mwy.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?