Label recordiau yn dathlu gyda gig i 500

Diweddarwyd am  

Poster Libertino

Llun: Facebook Libertino

Gyda’r Sîn Roc Gymraeg yn mynd o nerth i nerth, mae perchennog  label o Sir Gaerfyrddin yn gobeithio “cael cynulleidfa byd eang” i’w artistiaid.

Ers ei sefydlu flwyddyn yn ôl, mae label Libertino bellach yn gartref i 15 o artistiaid a dydd Sadwrn mi fydd yn cynnal ei ail ‘Ddathliad’, neu Showcase yng Ngheredigion.

Mae perchennog y label, Gruff Owen, yn cydnabod bod y digwyddiad yn garreg filltir, ond wedi blwyddyn o “dyfu” mae yn awr yn anelu at lwyfan rhyngwladol.

“Yn bendant mae’r sin yn fwy iach nag mae wedi bod ers blynyddoedd,” meddai wrth golwg360. “Ond jest y dechrau yw hyn.

“Yn bersonol, fel Libertino, dw i eisiau gweld newid. Dw i eisiau artistiaid i gael cynulleidfa byd eang. Dw i’n gwybod bod hynna’n hurt, ond mae rhaid bod yn uchelgeisiol.

“Mae’r gerddoriaeth yma’n anghredadwy o dda. Dw i’n browd iawn.”

Y Dathliad

Bydd y digwyddiad yn cael ei gynnal yn safle Fforest, Aberteifi, gydag wyth o fandiau’n chwarae gan gynnwys Breichiau Hir, Papur Wall, Los Blancos ac ARGRPH.

Mae disgwyl hyd at 500 o bobol yno, gyda’r digwyddiad yn dechrau am bump yr hwyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed