Bandiau Cymraeg yn cael cyfle ar lwyfan llai ‘The Biggest Weekend’

Diweddarwyd  

Poster prif ddigwyddiadau ‘The Big Weekend’

Fe fydd bandiau Cymraeg yn chwarae yn ystod digwyddiad mawr gan y BBC yn ninas Abertawe – ond nid ar y prif lwyfan.

Fe ddaeth y cadarnhad gan lefarydd ar ran BBC Music, trefnwyr ‘The Biggest Weekend’ yn ystod penwythnos Mai 25-28.

Ymhlith y bandiau a fydd yno’n perfformio yn Gymraeg y mae Band Pres Llareggub, Mellt, Chroma a Serol Serol, ond ar lwyfan ‘BBC Music Introducing’ yn hytrach nag ar y llwyfan mawr.

Ar brif lwyfan y digwyddiad, fe fydd nifer o sêr y byd Saesneg yn perfformio – gan gynnwys Ed Sheeran, Taylor Swift, Sam Smith, Craig David, Jess Glynne, Rita Ora a George Ezra.

Ymateb BBC Music

Wrth ymateb i’r pryderon, dywedodd llefarydd ar ran BBC Music: “Cafodd cyhoeddiad ei wneud yn gynharach yr wythnos hon y bydd nifer o fandiau Cymraeg yn perfformio ar lwyfan BBC Music Introducing yn The Biggest Weekend fis nesaf, gan gynnwys Band Pres Llareggub, Mellt, Chroma a Serol Serol.

“Bydd cyhoeddiad pellach yn fuan iawn am weithgarwch BBC Cymru yn y digwyddiad.”

Ychwanegodd y llefarydd fod cryn ymdrech wedi’i wneud er mwyn sicrhau bod y deunydd hysbysebu’n ddwyieithog, ac mae gan y digwyddiad wefan mewn nifer o ieithoedd, gan gynnwys y Gymraeg.

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed