Disgybl “rhy dda” ei Chymraeg yn wynebu gorfod talu am wersi TGAU

Diweddarwyd  
Disgybl yn ysgrifennu mewn llyfr nodiadau

Mae rhiant o Fro Morgannwg yn wynebu gorfod talu £100 yr wythnos am wersi Cymraeg i’w phlentyn gan ei bod yn “rhy fedrus” yn yr iaith.

Mae’r ferch yn ddisgybl yn Ysgol Stanwell, Penarth, ac yn gobeithio astudio Cymraeg fel un o’i phynciau TGAU.

Ond yn ôl ei rhiant, mae’r ysgol wedi gwrthod gadael iddi astudio TGAU Cymraeg Ail Iaith yno, gan ei bod “yn rhy dda”, ac felly mae rheolau Cyd-Bwyllgor Addysg Cymru (y bwrdd arholi) yn ei rhwystro rhag gwneud hynny.

Dyw’r ysgol cyfrwng Saesneg ddim yn darparu cwrs TGAU Cymraeg Iaith Gyntaf – dim ond cwrs Ail Iaith – ac mae hyn wedi achosi penbleth i rieni’r disgybl.

“Yr unig opsiwn”

“Ar hyn o bryd, yr unig opsiwn sydd gennym ni, yw bod ni’n cael tiwtor preifat,” meddai’r rhiant sydd am aros yn anhysbys, wrth golwg360. “Does dim opsiwn arall – heblaw ei bod hi eisiau colli TGAU.

“Byddai’n rhaid i nifer y gwersi tiwtor fod gyfwerth â nifer y gwersi sy’n cael eu cynnal yn yr ysgol. Ac mae hynna’n tua phedwar gwers yr wythnos. A chost tiwtor yw tua £25 yr awr – £100 yr wythnos.

“… Dw i’n mynd i herio hyn. Achos ar ddiwedd y dydd, mae angen delio â’r mater. R’yn ni wedi gwastraffu bron i flwyddyn yn barod. Bydd y flwyddyn ysgol yn dod i ben ym mis Gorffennaf.”

Mae’n ategu bod hi methu “fforddio’r fath yna o gostau” a’n ymwybodol bod angen tiwtor a allai ddysgu ei merch i safon TGAU gradd uchel.

Tynnu sylw

Mae’r rhiant yn dweud ei bod wedi cysylltu â’r ysgol a CBAC, a’n nodi nad yr ysgol wnaeth dynnu ei  sylw at y broblem.

Yn ogystal, does ganddi ddim amheuaeth bod cyn-ddisgyblion o’r ysgol wedi wynebu’r un broblem. “Mae’n rhaid bod hyn wedi digwydd i blant eraill,” meddai.

Mae golwg360 wedi gofyn i’r ysgol a CBAC am ymateb.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd