Gwasanaeth iechyd rhyw: ‘lle i wella’

 
Pen ac ysgwydd Vaughan Gething

Vaughan Gething, Ysgrifennydd Iechyd Llywodraeth Cymru

Llun: Cynulliad Cenedlaethol Cymru CC 2.0

Mae “llawer o waith i’w wneud o hyd” er mwyn gwella’r gwasanaeth iechyd rhyw yng Nghymru, yn ôl un o brif feddygon y gwasanaeth iechyd cyhoeddus.

A daw hynny wrth i’r galw gynyddu’n sylweddol – mae nifer y bobol sy’n defnyddio’r gwasanaethau wedi dyblu yn ystod y pum mlynedd diwetha’.

Mae’r adroddiad newydd gan y corff Iechyd Cyhoeddus Cymru yn dweud bod pobol yn ei chael hi’n anodd cael gafael ar wasanaethau a bod angen gwella’r systemau cadw gwybodaeth.

“Mae llawer o waith i’w wneud o hyd ynglŷn â hygyrchedd gwasanaethau, ymddygiad peryglus, moderneiddio systemau casglu gwybodaeth, cael gafael at wasanaethau erthylu a symud y gofal yn nes at y cleifion,” meddai Dr Giri Shankar, Prif Feddyg Ymgynghorol Diogelu Iechyd y corff.

Argymhellion

Mae argymhellion yr adroddiad yn cynnwys:

  • Newid y gyfraith fel bod modd cymryd meddyginiaeth ‘terfynu beichiogrwydd’ yn y cartref.
  • Ehangu rôl meddygon teulu a fferyllfeydd wrth ddarparu’r gwasanaeth.
  • Creu trefniant i gynnig gwasanaeth i bobol fregus.

“Darlun gonest”

“Roedden ni am gael darlun gonest o’r gwasanaethau, a nawr mae un gyda ni i’n helpu i wella,” meddai’r Ysgrifennydd Iechyd, Vaughan Gething, ar ran y Llywodraeth a oedd wedi comisiynu’r adroddiad.

“Byddwn yn gweithio gyda rhanddeiliaid i ddatblygu cynllun gweithredu, ac fe fydd Bwrdd y Rhaglen Iechyd Rhywiol yn parhau yn ei le i oruchwylio a helpu i weithredu’r argymhellion dros gyfnod o ddwy flynedd.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?