ASau Plaid yn pleidleisio i feirniadu’r bomio yn Syria

Diweddarwyd am  
Liz Saville Roberts

Liz Saville Roberts

Llun: Plaid Cymru

Fe bleidleisiodd pedwar aelod Plaid Cymru i ddangos anfodlonrwydd gyda phenderfyniad Llywodraeth Prydain i fomio Syria.

Fe ymunon nhw a’r AS Gwyrdd Caroline Lucas gydag aelodau yr SNP o’r Alban yn Nhŷ’r Cyffredin neithiwr mewn pleidlais symbolaidd i fynegi amheuon am yr ymosodiad.

Fe ddaeth hynny ar ddiwedd diwrnod o gwestiynau a dadlau am y pwnc, pan oedd nifer o ASau Llafur o Gymru wedi cefnogi’r bomio ond wedi beirniadu’r Llywodraeht am beidio â chynnal pleidlais ymlaen llaw.

‘Dim dewis’ meddai Kinnock

“Does gyda ni ddim dewis ond defnyddio grym milwrol,” meddai Stephen Kinnock, AS Aberafon, gan feio Rwsia am chwalu’r llwybr at drafodaeth.

“Mae’n fy mrifo i ddweud hyn ond y gwir trist yw fod dyfodol Syria yn nwylo’r Kremlin, Israel a llywodraeth Assad. Ond dyw hynny ddim yn golygu na allwn weithredu ac y dylen ni adael i’r arfer rhygngwladol o wahardd arfau cemegol ddod i ben.”

Roedd ASau’r Rhondda a De Caerdydd a Phenarth ymhlith y rhai a ymunodd gydag ef i gwyno na fuodd yna bleidlais ac, yn ól Albert Owen, Ynys Môn, roedd yna ddiffyg gwybodaeth hefyd.

“Roedd rhaid i ni ddibynnu ar drydar Arlywydd yr Unol Daleithiau,” meddai, gan ddweud bod Donald Trump yn datgelu’r holl gynlluniau ymlaen llaw.

‘Pob math o arfau’n ddychrynllyd’

Gan Blaid Cymru y daeth peth o’r feirniadaeth brin ar y penderfyniad i ymosod gydag arweinydd y blaid yn Nhŷ’r Cyffredin yn holi’r Prif Weinidog, Theresa May, sut y byddai’r bomio’n arbed plant rhag “ymosodiadau bwystfilaidd” yn y dyfodol.ASau Plaid C

“Mae cynllunio ar gyfer rhyfel heb gynllunio’r un mor gadarn ar gyfer heddwch yn bopeth ond trugarog. Mae arfau confensiynol ac arfau gemegol yn ddychrynllyd,” meddai Liz Saville Roberts.

Dim ond 36 oedd wedi pleidleisio yn erbyn y Llywodraeth neithiwr ond mae disgwyl i aelodau Llafur bleidleisio’n unol heddiw i alw am sicrwydd y bydd ASau’n cael rhoi barn cyn ymosodiadau pellach.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed