AS Ceidwadol yn wynebu ymchwiliad gan yr heddlu tros dreuliau

 
Chris Davies

Chris Davies, Aelod Seneddol tros Frycheiniog a Sir Faesyfed

Llun seneddol

Mae’r Aelod Seneddol Ceidwadol tros Frycheiniog a Sir Faesyfed, Chris Davies yn wynebu’r posibilrwydd o fod yn destun ymchwiliad gan yr heddlu tros £700 o dreuliau.

Mae’r Mail on Sunday yn honni ei fod e wedi llunio anfonebau ffug ar gyfer dodrefn a ffotograffau ar gyfer ei swyddfa.

Mae’n cyfaddef ei fod e wedi torri’r rheolau, ond yn honni ei fod e wedi gwneud “camgymeriad gonest” wrth gofnodi’r treuliau.

Mae Heddlu Scotland Yard yn ymchwilio, yn ôl adroddiadau, ar ôl i’r achos gael ei gyfeirio atyn nhw gan IPSA, yr awdurdod safonau seneddol.

Honiadau

Mae Chris Davies wedi ei amau o ffugio dwy anfoneb – un ar gyfer £450 a’r llall ar gyfer £250 – fel bod modd derbyn treuliau yn 2016.

Mae honiad ei fod e wedi gofyn i aelod o’i staff i gyflwyno un o’r anfonebau ar ei ran.

Mewn llythyr gan y Blaid Geidwadol at Chris Davies, maen nhw’n tynnu sylw at ddifrifoldeb y sefyllfa, yn ôl y Mail on Sunday.

“Er mwyn derbyn y cyfanswm llawn o £700 drwy ddull arall, fe wnaethoch chi ffugio neu drefnu i ffugio dwy anfoneb lai, un am £450 a’r llall am £250,” meddai’r llythyr.

Mae’r llythyr hefyd yn egluro bod y cwmni y cafodd yr anfonebau eu llunio ar eu cyfer yn gwmni ffotograffau, ond nad ydyn nhw’n cynhyrchu dodrefn.

Mae Chris Davies wedi ad-dalu £450 i IPSA eisoes.

Mae’r heddlu wedi cadarnhau eu bod yn asesu’r sefyllfa.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?