Buddsoddi £28m mewn ysbytai yn y Gorllewin

 
Dwy ambiwlans yn gadael Ysbyty Glangwili

Rhan o Ysbyty Glangwili Caerfyrddin

LLun: Nigel Davies CCA2.0

Bydd cyfanswm o £28 miliwn yn cael ei fuddsoddi gan Lywodraeth Cymru mewn dau ysbyty yng ngorllewin Cymru.

Hynny er fod y ddwy ganolfan yn rhan o adolygiad o wasanaethau gan y Bwrdd Iechyd a bod straeon wedi bod am fygythiadau i’w dyfodol.

Bydd £25 miliwn yn mynd at ddatblygu cyfleusterau i fabanod newydd yn Ysbyty Glangwili, Caerfyrddin, gan greu rhagor o ystafelloedd geni a theatrau ar gyfer llawdriniaeth.

Ac fe fydd £3.1 miliwn yn cael ei fuddsoddi yn Ysbyty Llwynhelyg, Hwlffordd, gyda’r nod o foderneiddio gwasanaethau canser.

Gwelliant  “sylweddol”

“Bydd y cyllid hwn yn gwella ansawdd, diogelwch ac arloesedd clinigol ar y safle (Glangwili),” meddai’r Ysgrifennydd Iechyd, Vaughan Gething.

“Bydd yn ei wneud yn haws i blant a’u rhieni gael gwasanaethau, yn ogystal â gwella llesiant y staff … Dylai’r gwaith datblygu hwn wella profiad y claf a’r llety ar gyfer teuluoedd yn sylweddol.

“Gan y bydd yn uned fwy, fydd dim cymaint o angen i deuluoedd deithio y tu allan i’w hardal i gael gofal am resymau sy’n ymwneud â diffyg capasiti.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed