Gwrthod cais i ddymchwel ysgol yn Llanbedr Pont Steffan

Diweddarwyd  

Hen adeilad Ysgol Ffynnonbedr

Llun: golwg360

Mae cais i ddymchwel hen adeilad ysgol gynradd yn Llanbedr Pont Steffan a chodi 20 o fflatiau a thai ar y safle wedi ei wrthod gan gynghorwyr Ceredigion.

Ar ôl trafod y cais gan gwmni Hacer Development Ltd fore ddydd Mercher (Ebrill 11), daeth Pwyllgor Rheoli Datblygu’r sir i’r casgliad na fyddan nhw’n cymeradwyo’r cais.

Petasai’r cynllun wedi cael sêl bendith y Cyngor, mi fyddai hen Ysgol Ffynnonbedr ar Heol y Bryn wedi cael ei dymchwel, gyda Wales and West Housing yn rheoli’r tai ar ôl iddyn nhw gael eu hadeiladu.

Roedd y cynllun wedi codi gwrychyn trigolion lleol gyda 70 o bobol yn arwyddo llythyr o wrthwynebiad at y datblygwyr.

Ymhlith eu pryderon oedd maint y datblygiad, yr effaith ar draffig ar y stryd, y cynnydd mewn risg o lifogydd ar Heol Bryn a Heol Cambrian, a diffyg hyder yn Wales and West Housing.

Er i’r cynllun gael ei wrthod, mae golwg360 yn deall gall Hacer Development Ltd apelio’r penderfyniad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?