Dyn, 80, wedi marw ar ôl aros 23 awr am ambiwlans

 
Llun agos o Ambiwlans Argyfwng

Ambiwlans fodern

Llun Shelley C28 CCA3.0

Mae dyn 80 oed o Abertawe wedi marw yn yr ysbyty ar ôl aros 23 awr am ambiwlans ar ôl cwympo a tharo’i ben yn ei gartref ddydd Mawrth diwethaf.

Roedd oedi hir yn Ysbyty Treforys ar y diwrnod y cafodd ei gludo yno, ac fe fu’n rhaid iddo aros yn yr ambiwlans y tu allan i’r ysbyty am saith awr ar ôl cyrraedd.

Yn ôl meibion John Williams, bu eu tad ar lawr y gegin am 11 awr heb feddyginiaeth.

Fe gafodd ei dderbyn i’r ysbyty am 2.45pm ac roedd staff yn ceisio’i anfon e adre’ erbyn 5.30pm.

Ond bu’n rhaid iddo aros yn yr ysbyty ar ôl cwympo eto ar y ward. Bu farw fore Sul.

Ymateb

Mewn datganiad, dywed llefarydd ar ran Bwrdd Iechyd Prifysgol Abertawe Bro Morgannwg fod staff wedi gwneud popeth o fewn eu gallu i ofalu amdano, ond y byddai “ymchwiliad llawn” yn cael ei gynnal.

 

Doedden nhw ddim yn gwybod pam ei fod e wedi cwympo, meddai’r llefarydd, ac fe gafodd ei dderbyn i ward am ragor o brofion. Ond fe waethygodd ei gyflwr ar ôl cwympo eto.

Mae’r Gwasanaeth Ambiwlans wedi estyn eu “cydymdeimlad” i’w deulu.

Dywedodd ei feibion nad ydyn nhw’n beio staff yr ambiwlans na’r ysbyty, ond fod gwendidau sylfaenol yn y Gwasanaeth Iechyd.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?