Cerfluniau anifeiliaid gwyllt yn codi ymwybyddiaeth am sbwriel y môr

Diweddarwyd am  

Cerflun o ddolffin

Llun: Parc Cenedlaethol Sir Benfro

Mae cerfluniau o anifeiliaid gwyllt wedi cael eu creu gan Barc Cenedlaethol yng Nghymru er mwyn tynnu sylw at faint o sbwriel sydd yn y môr

Mae Awdurdod Parc Cenedlaethol Arfordir Sir Benfro wedi comisiynu pum cerflun er mwyn codi ymwybyddiaeth o’r problemau mae sbwriel yn y môr yn eu hachosi i fywyd gwyllt.

Mae’r pum model â ffrâm weiren wedi cael eu creu gan yr artist o Aberteifi, Toby Downing, ac maen nhw’n cynnwys tri dolffin, pysgodyn a Llurs (Razorbill) – arwyddlun y Parc Cenedlaethol.

Fe fydd modd eu gweld mewn gwahanol ddigwyddiadau yn Sir Benfro, gan gynnwys sioeau, gweithgareddau glanhau traethau, a digwyddiadau eraill.

“Ysbrydoli pobol”

Yn ôl Rebecca Evans, Swyddog Dehongli y Parc Cenedlaethol, mae eisoes “nifer o wirfoddolwyr” bob blwyddyn yn mynd ati i wella’r broblem sy’n ymwneud â sbwriel yn y môr trwy fynd ati i lanhau’r traethau.

Mae’n dweud hefyd fod yna nifer o gymunedau arfordirol yn ceisio mynd yn ‘ddi-blastig’, ac y bydd y cerfluniau newydd yn “ysbrydoli” mwy o bobol i gymryd y camau hyn.

“Ynghyd â’r mentrau hyn,” meddai, “rydyn ni’n gobeithio bydd y cerfluniau’n helpu i ysbrydoli pobol i wneud dewisiadau gwahanol, fel defnyddio cwpanau a photeli y gellir eu hailddefnyddio, a chasglu sbwriel pan fyddan nhw’n ymweld â thraeth y tro nesaf.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed