Gofyn barn am wahardd allforio anifeiliaid i’w lladd dramor

 

Llun: CC0

Heddiw (dydd Mawrth, Ebrill 10) mae Llywodraeth Cymru yn dechrau casglu’r farn am wahardd allforio anifeiliaid byw er mwyn eu lladd dramor.

Ar hyn o bryd, nid yw’n bosib gwahardd allforio anifeiliaid oherwydd rheolau masnach rydd yr Undeb Ewropeaidd.

Ac ar gyfer yr amser y bydd y Deyrnas Unedig yn ymadael ag Ewrop, mae Llywodraeth Cymru hefyd yn dweud ei bod nhw’n barodi i gydweithio â Llywodraeth San Steffan, ynghyd â’r Alban a Gogledd Iwerddon, i ystyried sut y gall safonau lles anifeiliaid sy’n cael eu cludo gael eu gwella.

Paratoi ar gyfer Brexit

“Fel Llywodraeth, rydym wedi ymrwymo i gynnal y safonau lles uchaf posib ar gyfer pob anifail yng Nghymru, ac mae’n barn ynghylch allforio anifeiliaid byw i’w lladd yn glir,” meddai Lesley Griffiths, yr Ysgrifennydd dros Ynni, Cynllunio a Materion Gwledig.

“Byddai’n well gennym fod anifeiliaid yn cael eu lladd cyn agosed â phosib i’w man cynhyrchu a chredwn fod masnachu cig a chynhyrchion cig yn well na chludo anifeiliaid yn bell i’w lladd.

“Dyna pam rydyn ni’n cefnogi’r cais hwn am dystiolaeth ar waharddiad ledled y Deyrnas Unedig ar allforio anifeiliaid byw i’w lladd dramor.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed