“Diffyg deddf enwau lleoedd” yn gyfrifol am helynt ail Bont Hafren

Diweddarwyd  

Ail Bont Hafren

Mae’r helynt ynglŷn ag enwi ail Bont Hafren yn ‘Bont Tywysog Cymru’ wedi digwydd o ganlyniad i “ddiffygion” deddfwriaeth ym Mae Caerdydd, yn ôl Cymdeithas Enwau Lleoedd Cymru.

Fe gododd ffrae fawr yr wythnos ddiwethaf ar ôl i Ysgrifennydd Gwladol Cymru, Alun Cairns, gyhoeddi y byddai ailenwi un o’r pontydd dros afon Hafren ar ôl mab hynaf Brenhines Lloegr, yn “deyrnged addas” iddo.

Ond, yn ôl yr Athro David Thorne, Cadeirydd Cymdeithas Enwau Lleoedd Cymru, pe byddai deddf wedi cael ei phasio gan Gynulliad Cymru i ddiogelu enwau hanesyddol yng Nghymru, ni fyddai’r helynt hwn wedi codi.

Mae’n cyfeirio at gynnig a gafodd ei gyflwyno y llynedd gan yr Aelod Cynulliad Plaid Cymru, Dai Lloyd, a fyddai wedi diogelu enwau lleoedd hanesyddol yng Nghymru ym mhob iaith. Ond ni chafodd ei chymeradwyo.

“Methiant” Bae Caerdydd

“Ddwy flynedd yn ôl,” meddai David Thorne wrth golwg360, “fe basiwyd y Ddeddf Treftadaeth Hanesyddol, oedd ddim yn rhoi dim amddiffyniad o gwbwl i enwau lleoedd, a llynedd wedyn fe geisiodd mesur Dai Lloyd unioni’r cam yna, ac fe fethodd yna hefyd.

“A phetai’r mesur, a phe bai’r ddeddf, wedi derbyn argymhellion Cymdeithas Enwau Lleoedd Cymru, fyddai’r helynt ddim wedi codi.”

Wrth ymateb i’r cwestiwn os yw’r Gymdeithas am gymryd camau yn erbyn y penderfyniad diweddaraf wedyn, mae’n dweud nad oes “dim wedi’i drefnu eto”, a’i bod hi braidd yn “hwyr yn y dydd” erbyn hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?