Dros filiwn yn dysgu’r Gymraeg trwy gyfrwng Duolingo

Diweddarwyd am  

Llun: CCO

Mae nifer y bobol sy’n dysgu Cymraeg trwy gyfrwng yr ap, Duolingo, wedi pasio’r miliwn erbyn hyn.

Mae Duolingo yn ap sy’n cynnig cyrsiau i bobol ar gyfer dysgu nifer o ieithoedd gwahanol, ac ym mis Awst 2016, fe aeth criw o wirfoddolwyr ati i sefydlu cwrs dysgu Cymraeg yn benodol ar gyfer y feddalwedd honno, sef ‘Welsh for English Speakers’.

Ac ymhen dwy flynedd ers ei lansio, mae’r cwrs bellach wedi denu mwy na miliwn o bobol ledled y byd i ddysgu’r Gymraeg, gyda thua 1,000 yn ymuno ag ef yn ddyddiol.

“Anhygoel”

Yn ôl Jonathan Perry o Goleg Gwent, un o sefydlwyr y cwrs, mae’r cyhoeddiad diweddaraf hwn yn “anhygoel”.

“Ry’n ni’n falch iawn o gyrraedd y miliwn yna,” meddai wrth golwg360, “ac yn gobeithio y bydd twf mewn ymwybyddiaeth a defnydd yr iaith o ganlyniad i lwyddiant y cwrs – a llwyddiant yr ap ei hunan, wrth gwrs.”

Mae defnyddwyr Duolingo yn gallu cael mynediad i’r cwrs trwy gyfrwng eu ffonau symudol a’u cyfrifiaduron, ac mae Jonathan Perry yn dweud bod hyn yn help i godi “ymwybyddiaeth” yr iaith ymhellach.

“Mae’r Gymraeg, a’r siawns i ddysgu Cymraeg, yn nwylo pawb, bron,” meddai eto.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?