Twitter yn boeth tros helynt tocynnau cyngherddau’r Eisteddfod

Diweddarwyd am  
Arwydd mawr 'Eisteddfod' ar y Maes

Llun: golwg360

Mae Canolfan y Mileniwm yn dweud eu bod wedi datrys problem dechnegol sydd wedi achosi trafferthion i bobol oedd yn ceisio prynu tocynnau cyngherddau’r Eisteddfod Genedlaethol – ond mae pobol yn dal i gwyno am y broses, ac yn honni eu bod wedi treulio oriau yn ceisio bwcio seddi.

Er i’r system brynu ar-lein fynd yn fyw am 8.30yb heddiw (dydd Mawrth, Ebrill 3), doedd dim modd prynu tocynnau.

“Mae’r [Ganolfan] wedi cysylltu i ddweud eu bod wedi datrys y problemau technegol erbyn hyn ond eu bod yn dal i gael traffic uchel i’r wefan sydd yn arafu’r broses,” meddai’r Eisteddfod ar Twitter.

“DIOLCH YN FAWR I BAWB am eich amynedd. Mae staff [Ganolfan] yn gweithio’n galed iawn i ddelio gyda phob un ymholiad!”

Be aeth o’i le?

Fel arfer mae modd prynu’r tocynnau o wefan yr Eisteddfod, ond eleni bu newid i’r drefn, gyda’r brifwyl yn ymweld â Chaerdydd a’n cynnal digwyddiadau yn y Ganolfan.

Mae’n debyg bod nifer fawr o bobol wedi heidio i’r wefan ar yr un pryd er mwyn prynu tocynnau, a bod y llif yma wedi cyfrannu at y trafferthion technegol.

Ymateb

Bu yna gryn dipyn o ymateb ar Twitter, gyda sawl un yn honni i’r broses gymryd dros awr.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd