Addewid o refferendwm annibyniaeth i Gymru erbyn 2030

 

Adam Price AC

Llun: Plaid Cymru

Fe fyddai Llywodraeth Plaid Cymru’n cynnal refferendwm annibyniaeth erbyn 2030 pe baen nhw mewn grym, yn ôl yr Aelod Cynulliad Adam Price.

Fe fydd yn dweud yng nghynhadledd y Blaid yn Llangollen heddiw y byddai Plaid Cymru’n cynnal y refferendwm yn ystod eu hail dymor, gan “ofyn i’r genhedlaeth hon sydd yn dod lle maen nhw am i Gymru fod erbyn canol y ganrif, ac yn cynnwys annibyniaeth fel opsiwn realistig”.

Bydd e hefyd yn dweud y byddai grid ynni, cwmni awyrennau cenedlaethol, cwmni tai cenedlaethol ac addysg yn rhad ac am ddim i fyfyrwyr prifysgolion ymhlith eu blaenoriaethau.

Fe fydd e’n galw am gyfres o gamau er mwyn sicrhau “cenedl fywiog, hyderus a llwyddiannus”, gan ddweud bod Cymru’n “wlad gyfoethog y mae ei phobol yn byw mewn tlodi”.

Mae disgwyl iddo ddweud bod Cymru’n fwy cyfoethog y pen na phob gwlad yn Affrica ond am ddwy, pob gwlad yn yr Americas ond am ddwy, ac yn fwy cyfoethog na hanner gwledydd Ewrop.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed