“Ymosodiad eithafol o dreisgar” yng Nghaergybi

Diweddarwyd am  

Llun: Heddlu

Mae Heddlu’r Gogledd wedi arestio dyn 22 oed o Lerpwl ar amheuaeth o geisio llofruddio, yn dilyn digwydd tu allan i fflatiau Waterside yng Nghaergybi am 11.50 ar nos Fawrth y 6ed o Fawrth.

Yn ystod yr ymosodiad fe gafodd dyn 28 lleol ei anafu yn ddifrifol.

Fe gafodd y dyn o Lerpwl ei arestio ddydd Mercher yn ardal Sefton, Glannau Merswy, ac mae hefyd wedi ei arestio mewn perthynas â thrais llai difrifol yng Nghaergybi am 11 y bore ar Chwefror 21.

Mae’r Ditectif Arolygydd Brian Kearney o CID Caernarfon wedi talu teyrnged i waith y gwasanaethau brys wrth drin y dioddefwr o Gaergybi.

“Oherwydd gwaith gwych y rhai cyntaf i’w drin, y staff nyrsio a meddygol yn Ysbyty Gwynedd, rydw i’n falch o ddweud bod y dioddefwr yn gwella ac nad yw bellach yn yr Uned Gofal Dwys,” meddai.

“Ond mae hi’n hollbwysig ein bod ni yn darganfod pawb oedd ynghlwm â’r ymosodiad hynod dreisgar hwn, ymosodiad direswm sydd, yn ffodus, yn brin iawn yng ngorllewin gogledd Cymru.

“Mae’r dyn 22 oed sydd dan amheuaeth wedi ei holi a’i gyhuddo o godi helynt a dau ymosodiad mewn perthynas â’r digwyddiad ar Chwefror 21.

Bydd y dyn yn mynd ger bron y llysoedd yn Llandudno’r bore yma p byddwn yn gofyn am yr hawl i ddal gafael arno er mwyn ein galluogi i’w holi mewn perthynas â’r ymgais i lofruddio ar y 6ed o Fawrth.

“Ond er bod unigolyn wedi ei arestio, rydym dal angen clywed gan gyn gymaint o dystion ag sy’n bosib, er mwyn casglu’r holl ffeithiau ac adnabod y rhai fu wrthi.

“Felly rydwyf yn apelio eto am wybodaeth gan ein cymunedau yng Nghaergybi, ynghylch y ddau ddigwyddiad, er mwyn ein helpu i sicrhau bod y gogledd yn parhau yn un o’r llefydd mwyaf diogel i fyw ym Mhrydain.”

Ddylai unrhyw un sydd â gwybodaeth ffonio’r Heddlu ar 101 neu Taclo’r Taclau ar 0800 555 111 a dyfynnu RC18028374.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019