Carwyn Jones yn trafod Brexit â Theresa May

Diweddarwyd  

Rhif 10 Downing Street

Llun-Sergeant-Tom-Robinson-RLC-CC-BY-SA-2.0

Mae Prif Weinidog Cymru yn ymweld â Stryd Downing heddiw (Mawrth 14), er mwyn cwrdd â Theresa May i drafod y Mesur Ymadael ag Ewrop.

Fe fydd Prif Weinidog yr Alban, Nicola Sturgeon, hefyd yn y cyfarfod.

Prif bryderon Llywdraeth Cymru ynglŷn â’r mesur hwn yw ei fod yn caniatáu i San Steffan gymryd rheolaeth dros feysydd sydd wefi’u datganoli, ar ōl Brexit – meysydd fel ffermio a physgota.

Ond nod y cyfarfod yw ceisio dod i gytundeb ar y mater, er gwaetha’r ffaith bod Mesur Parhad Llywodraeth Cymru wedi cael ei gyflwyno i’r Cynulliad yr wythnos ddiwethaf fel cynllun wrth gefn.

Nod y mesur hwnnw yw sicrhau bod cyfraith yr Undeb Ewropeaidd mewn meysydd datganoledig yn parhau’n rhan o gyfraith Cymru yn sgil Brexit.

“Nid yw amser o’n plaid”

Yn ôl Carwyn Jones, mae’r cyfarfod heddiw yn “gam allweddol” yn y trafodaethau rhwng Bae Caerdydd a San Steffan, a’i fod yn dangos bod Llywodraeth Prydain yn “symud i’r cyfeiriad cywir”.

Er hyn, mae’n dweud y bydd y Senedd yn parhau i lywio’r Mesur Parhad trwy’r Cynulliad fel cynllun wrth gefn.

“Rydyn ni eisiau datrys hyn ac rydyn ni’n benderfynol o ddal ati i geisio cael cytundeb cyn i’r Bil ddod i ben ei daith drwy’r Senedd, ond nid yw amser o’n plaid,” meddai Carwyn Jones.

“Dyna pam y byddwn ni’n parhau i lywio ein Bil Parhad driwyr Cynulliad. Ond, fel yr ydyn ni wedi dweud sawl gwaith, dim ond opsiwn wrth gefn yw hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed