Bwyty Tŷ Coz, Caernarfon yn cau am gyfnod wedi marwolaeth aelod o staff

Diweddarwyd am  

Ty Coz, Caernarfon

Fe fydd bwyty poblogaidd yng Nghaernarfon ar gau tan o leiaf ddiweddy mis, wedi i gorff aelod o staff gael ei olchi i’r lan ar draeth ym Môn dros y Sul.

Roedd Jason Lewis, 43, yn gweithio yn Tŷ Coz, a chafodd ei gorff ei ddarganfod ar draeth ger Rhosneigr ddydd Sadwrn (Mawrth 10). Dyw ei farwolaeth ddim yn cael ei thrin fel un amheus.

Mewn neges ar gyfryngau cymdeithasol mae Tŷ Coz yn dweud bod colled Jason Lewis wedi gadael “gwagle enfawr” a bod straen y llwyth gwaith hebddo yn “hollol anferthol”.

O ganlyniad i hynny, bydd y bwyty ar gau tan “o leiaf” Mawrth 27, fel bod y busnes yn medru “cael cyfle i ddelio â phethau”. Fydd hi ddim yn bosib i fwcio bwrdd yn Tŷ Coz am gyfnod.

Teyrnged

Mewn neges arall mae’r bwyty wedi talu teyrnged i’w cyn-weithiwr gan ddweud fod marwolaeth Jason Lewis yn “ergyd fawr”.

“Er nad oedden ni ond yn nabod Jason am gyfnod cymharol fyr, gallwn ddweud â llaw ar ein calon nad ydym wedi dod ar draws llawer o bobol yn ein bywydau â chymaint o bethau positif i’w hoffi,” meddai Tŷ Coz.

“Byddai’r byd yn lle llawer gwell efo mwy o bobol fel Jason ynddo. Mae hynny’n gwneud hi cymaint yn anoddach i ddelio â’i ymadawiad cynamserol.

“Fe roddodd Jason gymaint mwy i ni nag y gallwn roi yn ôl, fel ffrind ac fel gweithiwr. Gorffwys mewn hedd, mêt.”

The tragic passing of Jason has left a huge hole here at Ty Coz. We managed to "keep the show on the road" without him…

Posted by Ty Coz Caernarfon on Monday, March 12, 2018

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed