Heddlu Dyfed-Powys yn rhybuddio am alwadau ffug

 

Llun: CCO

Mae Heddlu Dyfed-Powys wedi cynghori pobol i fod yn “ofalus” yn dilyn adroddiadau am alwadau ffug yn ardal Aberystwyth.

Yn ôl yr heddlu, maen nhw wedi derbyn nifer o adroddiadau dros y penwythnos, yn enwedig gan bobol o Aberystwyth, am bobl yn esgus ffonio o Gyllid a Thollau Ei Mawrhydi (HMRC).

Mae’n debyg bod y galwadau ffug yn ymgais i gael gafael ar wybodaeth ariannol pobol, gan honni bod ganddyn nhw drethi i’w talu.

Yn ystod yr alwad, mae pobol yn cael eu holi i wasgu’r rhif 1 ar eu ffonau, cyn iddyn nhw gael eu trosglwyddo i berson sydd wedyn yn eu holi am fanylion banc.

Ac mewn rhai achosion, mae pobol yn cael eu bygwth yn gyfreithiol os nad ydyn nhw’n dilyn y gorchmynion.

“Rhowch y ffôn i lawr”

Yn ôl Paul Callar, aelod o Dîm Troseddau Ariannol y llu, dyw Cyllid a Thollau Ei Mawrhydi byth yn “targedu” pobol yn y modd hwn, nac yn gofyn am arian neu fanylion personol dros y ffôn.

“Byddwch yn ofalus,” meddai. “Peidiwch â rhoi unrhyw arian neu fanylion personol.”

“Cofiwch, mae’n iawn i beidio â siarad â galwyr digroeso – jyst rhowch y ffôn i lawr.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?