Mesur Ymadael: ymdrechion i daro bargen yn parhau

Diweddarwyd am  
Baner Jac yr Undeb gyda'r gair Brexit drosti

llun-CC0.jpg

Bydd Llywodraeth y Deyrnas Unedig yn parhau a’u hymdrechion yr wythnos hon, i ddod i gyfaddawd â Chymru a’r Alban tros ddeddf Brexit.

Pwrpas y Mesur Ymadael yw troi cyfraith Ewropeaidd yn gyfraith Brydeinig, ond pryder y llywodraethau datganoledig yw y bydd pwerau’n cael eu cipio oddi wrthyn nhw trwy’r broses.

Mae Downing Street yn mynnu bod y Llywodraeth eisiau dod i gytundeb, ac mae disgwyl i Brif Weinidogion Cymru, yr Alban a’r Deyrnas Unedig, gwrdd ddydd Mercher (Mawrth 14).

“Mae’r ddeddf yma yn chwarae rôl bwysig iawn yn y broses o gyflawni Brexit llyfn,” meddai llefarydd swyddogol ar ran y Prif Weinidog tros Brydain, Theresa May.

“Rydym yn parhau i weithio â’r gweinyddiaethau datganoledig er mwyn dod i gytundeb. Rydym yn canolbwyntio ar daro bargen – dyna ein bwriad.”

Meysydd polisi

Mae Llywodraeth y Deyrnas Unedig wedi enwi 24 maes polisi lle na fydd pwerau’n cael ei ildio i’r llywodraethau datganoledig yn syth – mae’r rhain yn cynnwys amaethyddiaeth a physgodfeydd.

Er hynny mae’r Llywodraeth yn mynnu bydd “y mwyafrif helaeth” o bwerau’r Undeb Ewropeaidd yn dychwelyd i Gaerdydd, Caeredin a Belfast , yn syth wedi Brexit.

Yng Nghymru a’r Alban, mae’r llywodraethau eisoes wedi cyflwyno deddfwriaeth, fel opsiwn wrth gefn os na ddaw cytundeb â Llundain.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd