Magu plentyn yn ddwyieithog yn Llundain yn “her fawr” i gyflwynwraig

Diweddarwyd  

Alex Jones, oddi ar glawr ei chyfrol ‘Winging it!’

Llun oddi ar ei chyfrif Twitter

Mae un o brif gyflwynwyr The One Show yn dweud ei bod hi “ar y slei” yn gobeithio dychwelyd i Gymru i fyw pan fydd ei mab blwydd oed “yn hŷn”.

Yn ôl Alex Jones, sy’n wreiddiol o Rydaman ond bellach yn byw a gweithio yn Llundain, mae’n “her fawr” magu plentyn yn ddwyieithog yng nghanol y ddinas fawr.

“Dw i wedi cael fy nghodi yn ddwyieithog, a bydden i’n lico bod Ted yn cael ei godi’n ddwyieithog,” meddai wrth golwg360. “Ond mae hynny’n her fawr yn byw yng nghanol Llundain.

“Mae yna bosibiliadau… ni’n mynd i gylch meithrin Cymraeg bob dydd Gwener. Mae ´na ysgol gynradd Gymraeg yn Llundain hefyd, ond, wrth gwrs, does dim ysgol gyfun.”

“Ond dw i’n gobeithio, ar y slei, y bydden i ´nôl yng Nghymru erbyn hynny, a bydd e ddim yn broblem…”

Rhaid gwneud “ymdrech”

Er gwaethaf rhai cyfleoedd prin, mae Alex Jones yn dweud bod angen gwneud “ymdrech i gwrdd â chylch o famau Cymraeg” yn Llundain.

“Mae ´na ddigon o Gymry yn Llundain, ond mae’n rhaid treulio amser yn chwilio am y bobol yma, achos i fi, mae cael cwpaned o de bob dydd Gwener gyda chriw o Gymru yn gwneud i fi deimlo bo fi’n cael bach o gartre.

“Ac er bo’ Ted yn fach iawn, dw i’n siŵr ei fod yn elwa llawer ohono fe ar hyn o bryd.

“Dw i’n teimlo bod gadael iddo fe gael dwy awr o chwarae trwy gyfrwng y Gymraeg bob dydd Gwener yn ei helpu. Ac, wrth gwrs, dw i’n siarad gydag e bob dydd [yn Gymraeg] – dyna’n iaith ni’n dau.”

Dyma glip o Alex Jones yn sôn yn llawnach am yr “heriau” sy’n ei hwynebu wrth geisio magu plentyn trwy gyfrwng y Gymraeg yn Llundain…

Mi fydd Alex Jones: Y Fam Gymreig yn cael ei darlledu ar S4C heno (nos Sul, Mawrth 11) am 8yh.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd