10 cyflogwr yng Nghymru wedi talu llai na’r isafswm cyflog i weithwyr

Diweddarwyd am  

Arian

Llun parth cyhoeddus CC0

Mae Llywodraeth San Steffan wedi cyhuddo 10 cyflogwr yng Nghymru o dalu i’w gweithwyr gyflogau sy’n llai na’r isafbris cyflog.

Daw hyn wrth i’r Llywodraeth gyhoeddi enwau 182 o gyflogwyr ledled y Deyrnas Unedig sydd wedi bod yn talu llai na’r isafbris cyflog i dros 9,000 o weithwyr – a hynny o £1.11 miliwn.

Yng Nghymru, roedd y 10 cyflogwr wedi bod yn talu llai na’r isafbris cyflog i 159 o weithwyr, a hynny o £76,659.

Mae’r rheiny felly wedi derbyn diryw sy’n cyrraedd y cyfanswm o £87,396.

Codi’r Cyflog Byw Cenedlaethol

Mae’r Llywodraeth wedi cyhoeddi enwau’r cyflogwyr ar drothwy codi’r Cyflog Byw Cenedlaethol o £7.50 yr awr i £7.83 – gyda hynny’n digwydd ar Ebrill 1.

Fe fydd y rheiny dan 19 sydd mewn prentisiaethau, a’r rheiny sydd ym mlwyddyn gyntaf eu prentisiaethau, yn manteisio ar gynnydd o 5.7% yn sgil hyn.

“Neges glir i gyflogwyr”

“Mae gan bob gweithiwr yn y Deyrnas Unedig yr hawl i o leiaf isafbris cenedlaethol neu gyflog byw, ac fe fydd Llywodraeth Prydain yn sicrhau eu bod nhw’n cael hynny,” meddai Ysgrifennydd Gwladol Cymru, Alun Cairns.

“Dyna pam rydym ni wedi cyhoeddi enwi’r cyflogwyr hyn sydd wedi methu â thalu’r isafbris cyfreithlon, gan anfon neges glir i gyflogwyr na fydd y rheiny sy’n cam-drin yr isafbris cyflog yn mynd yn ddi-gosb.”

Y cyflogwyr

Dyma restr o’r cyflogwyr hynny yng Nghymru sydd wedi’u henwi:

 

  • Seashells Cyf
  • Dil Indian Cuisine
  • Davies Security Cyf
  • Oakfield Caravan Park Cyf
  • A1 Care Services Cyf
  • Porth Stores
  • Arcadis Consulting Cyf
  • Bush House Pembroke Cyf
  • Rainbow Brite Cleaning Services Limited
  • com Limited

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?