Mae angen i Gymru “ddysgu lot wrth Wlad y Basg” meddai cogydd

Diweddarwyd  

Tomos Parry

Mae cogydd o Fôn, sydd ar fin agor bwyty newydd yn Llundain, yn dweud bod angen i Gymru “ddysgu lot” oddi wrth Wlad y Basg.

Er hyn, mae Tomos Parry, sy’n wreiddiol o Landegfan, ac ar fin agor ei fwyty Cymreig-Basgaidd yn Shoreditch, yn dweud bod gan y ddwy wlad “lot yn gyffredin”.

“Dw i’n gallu gweld lot o gymhariaeth rhwng Gwlad y Basg a Chymru,” meddai wrth golwg360. “Mae gan y ddau culture cryf, ei hiaith eu hunain, ac yn reit agriculturual.

“Ond dw i’n meddwl y gall Cymru ddysgu lot [wrth Wlad y Basg], o’r ffordd mae ganddyn nhw barch i’w traddodiad nhw, a lle maen nhw’n neud lot gyda’r cynhwysion sydd gyda nhw, ac yn ei gadw’n reit syml…”

“Bwydydd reit syml”

Yn ei fwyty, fe fydd Tomos Parry yn defnyddio dull coginio Basgaidd, sef coginio dros bren, a hynny wrth ddarparu cynnyrch o Gymru – gan gynnwys wystrys o Borthaethwy.

Mae’n dweud ei fod wedi dewis y dull hwn oherwydd ei fod yn un “naturiol” iddo, ac yn ffordd “syml” o baratoi’r bwyd.

“Beth sy’n dda [am fwyd yng Ngwlad y Basg] yw ei bod nhw’n coginio bwydydd yn reit syml,” meddai eto.

“Mae bwyd yn edrych yn syml ar y plât, ond mae’r blas yn anhygoel oherwydd y gwaith sydd wedi’i wneud cyn hynny…”

‘Brat’

Mae enw’r bwyty newydd, sef ‘Brat’, yn chwarae’n fwriadol ar y gair arall am ‘ffedog’ yn Gymraeg, a’r hen air Saesneg am y pysgodyn torbwt.

Torbwt yw’r pryd mwyaf cyffredin yng Ngwlad y Basg, ac mae’n cael ei gyflwyno’n gyfan i’w fwyta ar ôl cael ei goginio ar bren.

A dyma Tomos Parry yn esbonio pam mae’r amrywiaeth o ddiwylliannau bwyd yn Sbaen yn apelio ato…

Mi fydd ‘Brat’ yn agor ei ddrysau am y tro cyntaf ar ddydd Sadwrn, Mawrth 17.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019