Heddlu’n trin tân mewn hen wyrcws fel un amheus

 
Rhan o beiriant tan

Injan dan

Llun: Commons Wikimedia CC 1.0

Mae Heddlu Dyfed-Powys yn dweud eu bod nhw’n trin tân yn hen Wyrcws Caerfyrddin ddiwedd yr wythnos ddiwethaf fel un “amheus”.

Yn ôl yr heddlu, fe ddigwyddodd y tân am 4:50yh ddydd Gwener ddiwethaf (Mawrth 2), a hynny yn adeilad yr hen wyrcws ar Heol Penlan yn y dref.

Yn dilyn y digwyddiad, fe gafodd dau berson ifanc eu holi, ond maen nhw erbyn hyn wedi’u “rhyddhau dan ymchwiliad”.

Ni chafodd unrhyw un eu hanafu yn sgil y tân, ac mae’r heddlu’n parhau i gynnal ymchwiliad ar y mater.

Maen nhw’n gofyn i unrhyw un sydd â gwybodaeth i gysylltu â nhw ar y rhif 101.

Adeilad hanesyddol

Mae’r safle ei hun yn dyddio’n ôl i Oes Fictoria, lle’r oedd yn dloty i’r rhai anghenus mewn cymdeithas.

Yn 1843, roedd yn ganolbwynt i derfysgoedd Merched Beca, pan wnaeth grŵp o ffermwyr lleol ymosod arno.

Yn ddiweddarach, roedd yr adeilad yn cael ei ddefnyddio fel swyddfeydd i’r cyngor sir, elusennau a’r BBC, a hynny cyn iddo gael ei drosglwyddo i ddwylo preifat.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?