Cyllid o £14m i gynnal a chadw ysgolion

 
Pen ac ysgwyddau Kirsty Williams

Kirsty Williams, Ysgrifennydd Addysg Cymru

Llun: Cynulliad Cenedlaethol Cymru CC 2.0

Mae Ysgrifennydd Addysg Cymru, Kirsty Williams, wedi cyhoeddi cynlluniau a fydd yn golygu £14m ar gyfer gwaith cynnal a chadw ysgolion.

Fe fydd y cyllid newydd hwn yn galluogi ysgolion i wario ar bethau fel boeleri a gwaith plymio ar doiledau, costau gofalwyr, panetio ac addurno, plastro neu atgyweirio lloriau.

Yr awdurdodau lleol fydd yn derbyn y cyllid yn gyntaf, cyn cael ei rannu i’r ysgolion.

Yn ôl Kirsty Williams, cŵyn mae’n clywed yn aml gan athrawon a phenaethiaid ysgol ledled Cymru yw bod amser ac arian yn “mynd yn rhy aml” ar gynnal a chadw ysgolion, a hynny ar draul yr addysgu.

“Bydd hyn yn help gyda chostau cynnal a chadw a mân atgyweiriadau, gan leddfu’r pwysau ar gyllidebau ysgolion. Bydd pob ysgol, ledled Cymru, yn gallu manteisio ar yr arian hwn – bydd yn mynd ar ei union i’r rheng flaen.

“Gobeithio y gall awdurdodau anfon yr arian ymlaen at ysgolion cyn gynted â phosib er mwyn i waith pwysig gael ei wneud.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed