Gohirio 36 o eisteddfodau’r Urdd

Diweddarwyd  

Mae’r rhan fwyaf o eisteddfodau lleol yr Urdd, a oedd i fod i gael eu cynnal y penwythnos hwn, wedi eu gohirio oherwydd y tywydd garw.

Mae eira mawr a rhew dros rannau helaeth o Gymru yn golygu bod trefnwyr yr eisteddfodau lleol wedi gorfod gohirio’r eisteddfodau a fyddai wedi cael eu cynnal naill ai heno (Mawrth 2) neu yfory (Mawrth 3).

Hyd yn hyn, mae 36 o eisteddfodau wedi cyhoeddi y byddan nhw’n gohirio, gyda’r trefnwyr yn gobeithio eu cynnal eto yn ystod y penwythnosau nesaf.

Mae rhestr o’r diweddariadau ar wefan yr urdd ar http://www.urdd.cymru/cy/eisteddfod/

Datganiad yr Urdd 

“Yn sgil y tywydd gaeafol bu rhaid gohirio nifer helaeth o Eisteddfodau Cylch yr Urdd oedd wedi’u trefnu ar gyfer y penwythnos hwn.

“Mae rhan fwyaf o’r Eisteddfodau yn barod wedi cyhoeddi dyddiad ac amser newydd ar gyfer eu cylch.

“Rydym yn ddiolchgar iawn i holl staff, gwirfoddolwyr a phwyllgorau cylch yr Urdd am eu gwaith caled yn gwneud y trefniadau addas ac yn edrych ymlaen at y cystadlu o fewn yr wythnosau nesaf.”

Mi fydd Eisteddfod yr Urdd yn cael ei chynnal eleni ar Faes y Sioe yn Llanelwedd rhwng Mai 28 a Mehefin 2.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed